Бестоксол капли 4%

1 мл препараттың құрамында белсенді зат - 40 мг таурин, қосымша заттар: 1.0 мг метилпарагидроксибензоат, рН 5.6-5.8 дейін натрий гидроксиді, инъекцияға арналған су 1.0 мл дейін. Сыртқы түрінің, иісінің, дәмінің сипаттамасы Мөлдір түссіз сұйықтық

- көз торқабығының дистрофиялық зақымдануы - мөлдір қабықтың дистрофиясы мен жарақаттану - катаракта (қарттық, диабеттік, жарақаттық және сәулелік)

Таурин - көз тіндерінде метоболизмнің елеулі бұзылуымен қатар жүретін көз торқабығының дистрофиялық сипаттағы ауруларында, көз тіндерінің жарақаттық зақымдануларында, патологиялық процестерде репаративтік және регенерациялық процестерді стимуляциялайтын құрамында күкірт бар амин қышқылы болып табылады. Таурин жасуша жарғақшаларының функцияларын қалыпқа келтіруге, энергия мен зат алмасу процестерін оңтайландыруға, жасуша цитоплазмасының электролиттік құрамының тұрақтылығын сақтауға, сигналдың синапстық берілуінің тежелуіне (нейротрансмиттердің рөлі) ықпал етеді.

Дозалау режимі Бестоксол препаратын зақымданған көздің конъюнктивалық қабына, егер дәрігер өзгесін көрсетпесе, 2 тамшыдан тәулігіне 3-4 рет тамызады. Енгізу әдісі мен жолы Тек жергілікті қолдануға арналған. Қабылдау уақыты көрсетілген қолдану жиілігі Катаракта кезінде инстилляция түрінде 3 ай бойы 2-3 тамшыдан күнделікті 2-4 рет қолданылады. Курс бір айлық аралықпен қайталанады. Жарақаттар кезінде 1 ай бойы сол дозада қолданылады.

• әсер етуші затқа немесе қосымша заттардың кез келгеніне аса жоғары сезімталдық • бала мен 18 жасқа дейінгі жасөспірімдер жасы

- аллергиялық реакциялар Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалануы туралы деректер жоқ.

Тамшылатқыш-құтының ұшы басқа заттармен және беткейлермен жанаспауын қадағалау керек. Тамызғаннан кейін тамшылатқыш-құтының қалпақшасын тығыз жабу керек. Басқа да офтальмологиялық дәрілік затты бір мезгілде пайдалану қажеттілігі кезінде оларды қолданылу аралығы 10-15 минуттан кем болмау керек. Көзге арналған жақпамайларды ең соңынан қолданған жөн. Арнайы ескертулер Ашық бұрышты глаукома кезінде препаратты инстилляциялау тимололды қолданғанға дейін 20-30 минут бұрын жүргізіледі. Қосымша заттар Препарат құрамында метилпарагидроксибензоат бар, ол аллергиялық реакцияларды тудыруы мүмкін (мүмкін кешеуілдеген).

Препаратты әйелдерде жүктілік және бала емізу кезеңінде қолдану туралы деректер жоқ. Препарат әйелдерде жүктілік және емшек емізу кезеңінде, егер әйел үшін күтілетін пайда шарана/бала үшін ықтимал қауіптен асып кетсе ғана қолданылуы керек. Педиатрияда қолдану 18 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді.

Глаукомасы (ашық бұрышты) бар науқастарда Бестоксолды тимололмен біріктіріп қолданған жағдайда гипотензиялық әсердің айтарлықтай күшеюі анықталған. Әсер етудің күшеюі ағып шығу жеңілдену коэффициентінің жоғарылауы және сулы ылғалды өндірудің азаюы есебінен қол жеткізіледі.

Сақтау мерзімі 5 жыл Құтыны ашқаннан кейін препаратты 28 күн бойы қолдану керек. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!