Бензилпенициллин натрий тұзы порошок 1e+06 Единица действия

Бір құтының ішінде: белсенді зат – бензилпенициллин натрий тұзы – 1000000 ӘБ. Сыртқы түрінің, иісінің, дәмінің сипаттамасы Ақ ұнтақ.

Бензилпенициллин натрий тұзы ересектерде, жаңа туған нәрестелерде, сәбилерде, балаларда, жасөспірімдерде пенициллинге сезімтал патогендерден туындаған келесі инфекцияларды емдеу үшін қолданылады: • сепсис; • тері және жаралық инфекциялар; • дифтерия (антитоксинге қосымша); • пневмония; • плеврит; • тілме қабыну; • бактериялық эндокардит; • перитонит; • менингит; • ми абсцессі; • остеомиелит; • фузобактериялардан туындаған жыныс жолдарының инфекциясы. Бензилпенициллин натрий тұзы препараты келесі спецификалық инфекцияларды емдеу үшін де қолданылады: • сібір ойық жарасы; • сіреспе; • газды гангрена; • листериоз; • пастереллез; • егеуқұйрық тістегеннен кейінгі қызба; • фузоспирохетоз; • актиномикоз. Сонымен қатар, Бензилпенициллин натрий тұзы дәрілік препараты соз және мерез кезіндегі асқынуларды емдеу үшін де қолданылады (мысалы, создық эндокардит немесе артрит, туа біткен мерез). Бензилпенициллин жүктілік кезінде мерезді емдеу үшін қолданылмайды. Бензилпенициллин натрий тұзы дәрілік препараты аурудың екінші сатысынан (менингополиневрит) бастап Лайм ауруында, Гарин – Бужаду – Баннварт синдромында (лимфоцитарлы менингополирадикулоневрит), созылмалы акродермитте, Лайм атрофиялық ауруында, Лайм артритінде, Лайм кардитінде, егер пероральді пенициллин емі бұдан былай көрсетілмейтін болса, пайдаланылады. Жүктілік кезінде, әрі қарай құрсақішілік инфекциялардың алдын алу үшін Лайм ауруының екінші кезеңінен бастап және Бензилпенициллин натрий тұзы дәрілік препаратының жоғары дозаларын парентеральді қолдану ұсынылады. Бактерияға қарсы дәрілерді дұрыс қолдану жөніндегі ресми ұлттық ұсыныстарды қарастыру керек.

Әсер ету механизмі Бензилпенициллин үшін әсер ету механизмі транспептидаза сияқты пенициллинді (PBP) байланыстыратын ақуыздардың блокадасы арқылы бактериялардың жасушалық қабырғасының синтезін (өсу фазасы кезінде) тежеуге негізделген. Бұл бактерицидтік әрекетке әкеледі. Фармакодинамикалық әсерлері Тиімділігі айтарлықтай дәрежеде белсенді заттың деңгейі қан плазмасында қалатын және патогенді бактериялар зақымданған ағзаларда болатын уақыт ұзақтығына байланысты. Резистенттілік механизмдері Бензилпенициллинге резистенттілік келесі механизмдерге байланысты болуы мүмкін: • бета-лактамазалармен белсенділігі жойылуы: бензилпенициллин бета-лактамазаға сезімтал және сондықтан бета-лактамазаны өндіретін бактерияларға (мысалы, стафилокококтар немесе гонокококтар) қатысты белсенді емес; • бензилпенициллинге PBP аффинділігінің төмендеуі, пневмококктардың және бензилпенициллинге кейбір басқа стрептококтардың жүре пайда болған резистенттілігі мутация нәтижесінде бұрыннан бар PBP модификацияларына байланысты. Алайда, бензилпенициллинге ұқсас төмендеуі бар қосымша PBP түзілуі метициллинге/оксациллин-төзімді стафилококктарға төзімділіктің себебі болып табылады; • грамтеріс бактерияларында бензилпенициллиннің сыртқы жасуша қабырғасы арқылы жеткіліксіз енуі PBP-тің жеткіліксіз тежегішіне әкелуі мүмкін; • бензилпенициллин сорып шығаратын сорғылар арқылы жасушадан белсенді тасымалдануы мүмкін. Бензилпенициллин ішінара немесе толық басқа пенициллиндер мен цефалоспориндерге айқаспалы төзімді. Шекті мәндер Бензилпенициллинді тестілеу стандартты сұйылту серияларын пайдалану арқылы жүргізіледі. Нәтижелер бензилпенициллин үшін бақылау нүктелерінің негізінде бағаланады. Келесі ең төменгі тежегіш концентрациялар сезімтал және тұрақты микробтар үшін анықталды. EUCAST (Микробқа қарсы сезімталдықты тестілеу жөніндегі Еуропалық комитет): Патоген — Сезімталдығы — Резистенттілігі Staphylococcus spp. — ≤ , — > 0,12 мг/л Streptococcus spp. (A, B, C, G топтары) — ≤ , — > 0,25 мг/л Streptococcus pneumoniae — ≤ , — > 2 мг/л Стрептококк топтары «Вириданс» — ≤ , — > 2 мг/л Neisseria meningitidis — ≤ , — > 0,25 мг/л Neisseria gonorrhoeae — ≤ , — > 1 мг/л Грамтеріс анаэробтар — ≤ , — > 0,5 мг/л Грамоң анаэробтар — ≤ , — > 0,5 мг/л Түрге байланыссыз* — ≤ , — > 2 мг/л * Қан сарысуының фармакокинетикасына сәйкес деректер. Жүре пайда болған резистенттіліктің таралуы Бактериялардың жекелеген түрлеріндегі жүре пайда болған төзімділіктің таралуы географиясына қарай және уақыт өте келе өзгеруі мүмкін. Осылайша, резистенттілік жағдайы туралы, әсіресе ауыр инфекцияларды талапқа сай емдеу үшін жергілікті ақпарат қажет. Егер жергілікті резистенттілік жағдайына байланысты бензилпенициллиннің тиімділігі күмәнді болса, білікті кеңес алу керек. Әсіресе ауыр инфекция немесе сәтсіз ем жағдайларында патогенді және оның бензилпенициллинге сезімталдығын анықтай отырып, микробиологиялық диагнозды іздеу керек. Резистенттілік мониторингі деректерінің негізінде жүре пайда болған резистенттіліктің таралуы: Аэробты грамоң микроорганизмдер Actinomyces israelii ° Corynebacterium diphtheriae ° Erysipelothrix rhusiopathiae ° Gardnerella vaginalis ° Streptococcus agalactiae Streptococcus pneumoniae Streptococcus pyogenes Streptococcus dysgalactiae subsp. equisimilis (Стрептококктың C және G топтары) Стрептококк топтары «Viridans» ° ^ Аэробты грамтеріс микроорганизмдер Borrelia burgdorferi ° Eikenella corrodens ° $ Haemophilus influenzae ° $ Neisseria meningitidis ° Анаэробты микроорганизмдер Clostridium perfringens ° Clostridium tetani ° Fusobacterium spp. ° Peptoniphilus spp. ° Peptostreptococcus spp. ° Veillonella parvula ° Басқа микроорганизмдер Treponema pallidum ° Жүре пайда болған тұрақтылық пайдалану кезінде проблемалар тудыруы мүмкін түрлер Аэробты грамоң микроорганизмдер Enterococcus faecalis $ Staphylococcus aureus + Staphylococcus epidermidis + Staphylococcus haemolyticus + Staphylococcus hominis + Аэробты грамтеріс микроорганизмдер Neisseria gonorrhoeae $ Төзімді түрлер Аэробты грамоң микроорганизмдер Enterococcus faecium Nocardia asteroides Аэробты грамтеріс микроорганизмдер Барлық Enterobacteriaceae species Legionella pneumophila Moraxella catarrhalis Pseudomonas aeruginosa Анаэробты микроорганизмдер Bacteroides spp. Басқа микроорганизмдер Chlamydia spp. Chlamydophila spp. Mycoplasma spp. ° Кестені жариялау кезінде ағымдағы деректер болмады. Сезімталдық бастапқы әдебиет пен терапевтік ұсыныстарда болжанады. $ Көптеген изоляттардың табиғи сезімталдығы аралық диапазонда. + Кем дегенде бір аймақта қарсыласу деңгейі 50%-дан асады. ^ Стрептокококк түрлерінің гетерогенді тобы үшін ұжымдық атауы. Тұрақтылық деңгейі осы стрептококктардың бар түрлеріне байланысты өзгеруі мүмкін.

Дозалау режимі Ересектер мен балалар (12 жас және одан үлкен) Әдеттегі доза (бұлшықет ішіне немесе вена ішіне): тәулігіне 30000 ӘБ/кг, бұл тәулігіне шамамен 1000000–1500000 ӘБ баламалы, 4–6 дозаға бөлінген. Ең жоғары тәуліктік доза (вена ішіне): тәулігіне 30000 ӘБ/кг, бұл тәулігіне шамамен 1000000–4000000 ХБ баламалы, 4–6 дозаға бөлінген. Балалар Сәбилер (бір ай және одан үлкен) және 12 жасқа дейінгі балалар Әдеттегі доза (бұлшықет ішіне немесе вена ішіне): тәулігіне 30000–100000 ӘБ/кг, 4–6 дозаға бөлінген. Ең жоғары тәуліктік доза (вена ішіне): тәулігіне 100000–500000 ӘБ/кг, 4–6 дозаға бөлінген. Назар аударыңыз: егер инфузия тым жылдам болса, құрысулар мен электролиттік теңгерімсіздік туындауы мүмкін. Вена ішіне 1,2 г астам дозалар үшін инфузияның 300 мг/мин аспайтын жылдамдығы ұсынылады. Жаңа туған нәрестелер (2–4 апта) Әдететгі доза (бұлшықет ішіне немесе вена ішіне): 30000–100000 ӘБ/кг/тәулік, 3-4 бір реттік дозаларда. Ең жоғары тәуліктік доза (вена ішіне): 200000–500000 ӘБ/кг/тәулік, 3–4 бір реттік дозаларда. Сәбилер (2 аптаға дейін) Әдететгі доза (бұлшықет ішіне немесе вена ішіне): 30000–100000 ӘБ/кг/тәулік, 2 бір реттік дозаларда. Ең жоғары тәуліктік доза (вена ішіне): 200000–500000 ӘБ/кг/тәулік, 2 бір реттік дозаларда. Шала туған және жаңа туған нәрестелерде дозалар арасындағы аралық бензилпенициллин шығарылуының төмендеуіне байланысты кем дегенде 12 сағатты құрауы тиіс. Бензилпенициллин натрий тұзы препаратын креатинин клиренсінің негізінде сәбилерге (1 айдан және одан үлкен) және балаларға (12 жасқа дейінгі) арналған дозалау: Креатинин клиренсі мл/мин — 100–60 — 50–10 — < 10 Қан сарысуындағы креатинин мг % — 0,8–1,5 — 1,5–8,0 — 15 Препараттың тәуліктік дозасы Бензилпенициллин натрий тұзы — 30000–100000 ӘБ/кг — 20000–60000 ӘБ/кг — 10000–40000 ӘБ/кг Дозалау аралығы — 4–6 бір реттік дозаларда — 2–3 бір реттік дозаларда — 2 бір реттік дозаларда Нәрестелер (1 айдан және одан үлкен) және балалар (12 жасқа дейін): егер бүйрек жеткіліксіздігі орташадан ауыр дәрежеге дейін болса (шумақтық сүзілу жылдамдығы 10–50 мл/мин/1,73 м2), әр 8–12 сағат сайын әдеттегі доза тағайындалады. Бүйрек функциясының бұзылуы немесе бүйрек жеткіліксіздігінің өте ауыр жағдайларында (шумақтық сүзілу жылдамдығы <10 мл/мин/1,73 м2) әдеттегі доза әр 12 сағат сайын енгізіледі. Шала туған және жаңа туған нәрестелер (4 аптаға дейінгі жаста): бензилпенициллин натрий тұзы препараты бүйрек функциясы бұзылған шала туған және жаңа туған нәрестелерді емдеу үшін қолданылмайды. Егде жастағы пациенттер Егде жастағы пациенттерде препараттың шығарылуы баяулауы мүмкін, сондықтан дозаны төмендету қажет болуы мүмкін. Сондықтан доза әрбір жеке жағдайда бүйрек функциясын ескере отырып түзетілуі тиіс. Бүйрек жеткіліксіздігі бар пациенттер Бүйрек функциясы бұзылған кезде пенициллиндердің шығарылуы баяулауы мүмкін, бұл дозалауда ескерілуі керек. Сондықтан жеке дозалар және/немесе бензилпенициллин қолдану дозалары арасындағы аралықтары әрбір жеке жағдайда түзетілуі ұсынылады. Бензилпенициллин натрий тұзы препаратын ересектер мен жасөспірімдер үшін дозалау креатинин клиренсінің негізінде: Креатинин клиренсі мл/мин — 100–60 — 50–40 — 30–10 — < 10 Қан сарысуындағы креатинин мг % — 0,8–1,5 — 1,5–2,0 — 2–8 — 15 Препараттың тәуліктік дозасы Бензилпенициллин натрий тұзы — 60 жасқа дейінгі пациенттер: 40000000 ӘБ; 60 жастан үлкен пациенттер: 10000000 – 40000000 ӘБ — 10000000 – 20000000 ӘБ — 5000000 – 10000000 ӘБ — 2000000 – 5000000 ӘБ Дозалау аралығы — 3–6 бір реттік дозаларда — 3 бір реттік дозаларда — 2-3 бір реттік дозаларда — 1-2 бір реттік дозаларда Бауыр жеткіліксіздігі бар пациенттер Бүйрек функциясы бұзылмаған жағдайда дозаны төмендету талап етілмейді. Арнайы дозалар Бактериялық эндокардит: ересектерге тәулігіне 10000000–80000000 ӘБ аминогликозидтермен біріктіріп вена ішіне енгізеді. Менингит: құрысулар мен Яриш – Герксхаймер реакциясы пайда болуының жоғары қауіптілігіне байланысты ересектерде тәулігіне 20000000–30000000 ӘБ-ден аспайтын және балаларда тәулігіне 12000000 ӘБ-ден аспайтын дозада енгізу керек. Алғашқы дозаны енгізу ұзақ болуы тиіс, өте ауыр клиникалық түрлер үшін бастапқыда бір реттік дозаның 1/4, өте қатаң бақылаумен баяу енгізіледі. Лайм-боррелиоз: ересектерде тәулігіне 20000000-30000000 ӘБ 14 күн бойына вена ішіне 2-3 қабылдау, балаларға тәулігіне 500000 ӘБ/кг 14 күн бойына вена ішіне 2-3 қабылдау. Емдеу ұзақтығы Емдеудің әдеттегі ұзақтығы-көптеген көрсетілімдер үшін 10-14 күн құрайды. Дегенмен, емдеу ұзақтығы инфекцияның ауырлығын, қоздырғыштың сезімталдығын, пациенттің клиникалық және бактериологиялық статусын ескере отырып түзетілуі тиіс. Клиникалық симптомдар жойылғаннан кейін кемінде 2-3 күн емдеуді жалғастыру керек. ДДҰ ұсынымдарына сәйкес, стрептококк ауруларында емдеу кезеңін кемінде 10 күн сақтау керек.

• Бензилпенициллинге немесе қосымша заттардың кез келгеніне аса жоғары сезімталдық; • анамнезінде пенициллинге аса жоғары сезімталдықтың болуы; • анамнезінде басқа бета-лактамды агентке (мысалы, цефалоспорин, карбапенем немесе монобактам) аса жоғары сезімталдықтың шұғыл ауыр реакциясының болуы (мысалы, анафилаксия).

Қан және лимфа жүйесінің аурулары Сирек: • гранулоцитопения (нейтропения), лейкопения, агранулоцитоз – бензилпенициллин натрийдің жоғары дозаларын ұзақ уақыт қабылдайтын пациенттерде (мысалы, жеделге жуық бактериялық эндокардитте). Белгісіз: • гемолиздік анемия, тромбоцитопения; • қан кету және протромбин уақытының ұзаруы. Иммундық жүйенің аурулары Өте жиі: • мерезді немесе нейросифилисті бензилпенициллинмен емдегенде пациенттерде Яриш – Герксгеймер реакциясы дамуы мүмкін. Жиі: • пенициллинге бөртпе түріндегі (барлық типтегі) аса жоғары сезімталдық, қызба және сарысу құю ауруы. Сирек: • анафилаксиялық реакциялар. Белгісіз: • Квинке ісінуі. Жүйке жүйесінің бұзылуы Сирек: • препараттың күніне 60 г артық ауқымды дозаларымен емдегенде және бүйректің ауыр жеткіліксіздігі бар пациенттерде орталық жүйке жүйесіне уытты әсер, құрысуларды қоса. Белгісіз: • метаболизмдік энцефалопатия. Асқазан-ішек бұзылыстары Жиі емес: • жүрек айнуы; • құсу; • стоматит; • глоссит; • бауыр функциясының бұзылуы. Сирек: • Clostridium difficile-ден туындаған диарея. Тері және тері асты тіндері тарапынан бұзылулар Белгісіз: • жедел жайылған экзантематозды пустулез (AGEP), қышыну, макулопапулезді бөртпе, қызылша тәрізді бөртпе, эритема. Пенициллиндерді қоса, бета-лактамды антибиотиктерді қолдану кезінде терінің ауыр жағымсыз реакциялары (Стивенс – Джонсон синдромы, уытты эпидермалық некролиз, эозинофилиямен және жүйелі симптомдармен дәрілік реакция, жедел жайылған экзантематозды пустулез) дамығаны туралы хабарланды. Бүйрек аурулары Сирек: • бүйрек функциясының бұзылуы (нефропатия, альбуминурия, цилиндрурия, гематурия, олигурия немесе анурия); • интерстициальді нефрит бензилпенициллин натрийдің күніне 12 г асатын үлкен дозаларын вена ішіне енгізгеннен кейін болуы мүмкін. Зертханалық және құрал-аспаптық деректер Жиі: • зертханалық талдаулардың жалғаноң нәтижелері; • несептегі 17-кетостероидтарды анықтаудағы жоғары мәндер. Сирек: • электролиттердің теңгерімсіздігі. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Симптомдары: бензилпенициллиннің өте үлкен дозаларын қолданғанда және әсіресе эндолюмбальді енгізгенде нейроуытты құбылыстар (жүрек айнуы, құсу, рефлекторлық қозғыштық артуы, құрысулар, кома) бақылануы мүмкін. Эндолюмбальді инъекциялар өте сақтықпен жүргізілуі тиіс. Емі: асқазан шаю, тұзды іш жүргізгіштер, су-электролиттік теңгерімді ұстап тұруға арналған препараттар және симптоматикалық ем. Қандағы натрий бензилпенициллиннің шамадан тыс мөлшері гемодиализ арқылы шығарылуы мүмкін. Егер осы препаратты қолдану бойынша қосымша сұрақтар туындаса, өзіңіздің емдеуші дәрігеріңізбен кеңесіңіз.

Цефалоспориндерге аса жоғары сезімталдық жағдайларында айқаспалы анафилактоидты немесе анафилаксиялық реакция болуы мүмкін (әдеби деректер бойынша жиілігі: 5–10 %). Қолданар алдында аса жоғары сезімталдыққа тест жүргізу қажет. Пациенттерге аса жоғары сезімталдық реакциясының туындауы мүмкін екендігі туралы хабарлау керек. Аллергиялық диатез немесе бронх демікпесі бар пациенттерде ерекше сақтық қажет. Препаратты қолданғаннан кейін пациенттер 30 минут бойы бақылауда болуы тиіс, ал адреналин ерітіндісі аса қажет болған жағдайда инъекцияға дайын болуы тиіс. Егер аллергиялық реакция туындаса, препаратты енгізу тоқтатылуы және қажет болса, симптоматикалық емдеу тағайындалуы тиіс. Келесі жағдайлардағы пациенттерде сақ болу керек: • аллергиялық диатез (есекжем немесе пішен қызбасы) немесе демікпе (аса жоғары сезімталдық реакцияларының жоғары қаупі); • жүректің ауыр аурулары немесе кез келген басқа текті электролиттік теңгерімнің елеулі бұзылуы (пациенттердің осы тобында электролиттерді қолдануға, әсіресе калий қабылдауға назар аудару керек); • бүйрек жеткіліксіздігі (дозаны түзету қажет); • бауырдың ауыр жеткіліксіздігі (дозаны түзету қажет); • эпилепсия, ми ісінуі немесе менингит (құрысудың пайда болу қаупі жоғары, әсіресе Бензилпенициллин натрий тұзы препаратының жоғары дозаларын енгізгенде); • мононуклеоз (тері бөртпесінің жоғары қаупі); • жедел лимфолейкозы бар пациенттерде қатарлас инфекцияларды емдегенде (тері реакцияларының жоғары қаупі бар); • дерматомикоздар (парааллергиялық реакциялар болуы мүмкін, себебі пенициллиндер мен дерматофиттер метаболизмінің өнімдері арасында жалпы антигендік болуы мүмкін). Сирек жағдайларда пенициллин алатын пациенттерде протромбин уақытының ұзаруы байқалады. Тиісті бақылау антикоагулянттарды бір мезгілде қолданған кезде орындалуы тиіс. Антикоагуляцияның қажетті емдік әсерін алу үшін антикоагулянттың пероральді дозасын түзету қажет. Қант диабеті бар пациенттерде бұлшықет ішіне енгізген кезде бензилпенициллиннің сіңірілуі төмендегенін есте ұстаған жөн. Венерологиялық аурулар кезінде зерттеулер ем басталғанға дейін орындалуы тиіс (мысалы, егер пациентте мерездің болуына күдік болса). Мониторинг мақсаттары үшін серологиялық тестілер де кемінде 4 ай жүргізілуі тиіс. Ұзақ емдеу кезінде төзімді организмдердің шамадан тыс өсуі мүмкіндігінен қырағылық қажет. Егер салдарлы инфекциялар пайда болса, тиісті шаралар қабылдау керек. Егер ауыр, тұрақты диарея пайда болса, өмірге қауіпті болуы мүмкін антибиотиктерді (шырышты-геморрагиялық колит, сулы диарея, шаншу, іштің түсініксіз ауыруы, қызба, кейде тенезмдер) қолданумен байланысты жалған жарғақшалы колиттің пайда болу мүмкіндігін ескеру керек. . Мұндай жағдайларда бензилпенициллинді қолдану дереу тоқтатылуы тиіс. Ішек перистальтикасын бәсеңдететін препараттар қарсы көрсетілімде. Лайма боррелиозын немесе мерезді емдеуде Яриш-Герксгеймер реакциясы пенициллиннің патогендерге бактерицидтік әсері нәтижесінде пайда болуы мүмкін, ол қызба, қалтырау, жалпы симптомдар және ошақтық симптомдармен сипатталады (негізінен бастапқы дозаны енгізгеннен кейін 2–12 сағаттан соң). Пациенттерге бұл бактерияға қарсы емнің жалпы уақытша салдары екенін хабарлау керек. Яриш – Герксгеймер реакциясын бәсеңдету немесе жеңілдету үшін тиісті терапия тағайындалуы керек. Ауыр пневмония, эмпиема, сепсис, менингит немесе перитонит сияқты сарысудағы пенициллиннің жоғары дозаларын қолдануды қажет ететін жағдайлар үшін, суда еритін бензилпенициллин сілтілік тұзымен емдеу керек. Егер туа біткен мерез бар пациенттерде неврологиялық симптомдардың бар-жоғын анықтау мүмкін болмаса, жұлын сұйықтығында анағұрлым жоғары деңгейге жететін пенициллин түрлерін пайдалану керек. Бұлшықет ішіне қолданған кезде балаларда жергілікті ауыр реакциялар пайда болуы мүмкін. Мүмкін болса, венаішілік терапияны тағайындау керек. Балаларға бұлшықет ішіне енгізгенде ауыр жергілікті реакциялар пайда болуы мүмкін. Балаларда венаішілік ем жүргізу керек. Өте жоғары дозаларды вена ішіне енгізгенде (күніне 10000000 астам) суперинфекция мен тромбофлебит болдырмау үшін енгізу орнын бір күннен кейін ауыстырып отыру керек. Электролиттік теңгерімнің бұзылуы мүмкін болғандықтан Бензилпенициллин натрий тұзы препаратын енгізу кезінде құрысу реакцияларының мүмкіндігіне байланысты 10000000 ӘБ астам инфузия кезінде баяу енгізу керек. Бензилпенициллиннің жоғары дозаларымен ұзақ (5 күннен астам) емдеу кезінде электролиттер, қан және бүйрек функциясы деңгейінің көрсеткіштерін мониторингілеу ұсынылады. Диагностикалық зертханалық емшараларға әсері Тәулігіне 10000000 ӘБ бензилпенициллин немесе одан да көп қабылдайтын пациенттерде Кумбстың оң тікелей сынағы (≥ 1 % < 10% дейін) жиі дамиды. Пенициллинді қабылдауды тоқтатқаннан кейін антиглобулинге тікелей тест 6-8 апта бойы оң болып қалуы мүмкін. Преципитация әдістерін (сульфосалицил қышқылы, трихлорсіркесуы қышқылы), Фолин – Чокальтеу – Лоури әдісі немесе Биурет әдісі арқылы несептегі ақуызды анықтау жалған оң нәтижелерге әкелуі мүмкін. Сондықтан бензилпеницилин алатын пациенттерде осындай тесттердің нәтижелерін түсіндіру кезінде сақтық таныту керек. Бензилпенициллинді қабылдау тест-жолақтардың көмегімен ақуызды анықтау нәтижесіне әсер етпейді. Нингидрин әдісі арқылы несептегі аминқышқылдарын анықтау тең дәрежеде жалған оң нәтижелерге әкелуі мүмкін. Пенициллиндер альбуминмен байланысады. Осылайша, альбуминді анықтау үшін электрофорез әдістерінде псевдобисальбуминемияны модельдеуге болады. Бензилпенициллинмен емдеу кезінде несептегі глюкозаны ферментативті емес анықтау және уробилиногеннің анықталуы жалған оң болуы мүмкін. Несептегі глюкозаның ферментативті талдауларын бензилпенициллинмен ем жүргізетін пациенттерде қолдану керек, өйткені бұл өзара әрекеттесу оларға әсер етпейді. 17-кетостероидты анықтау кезінде (Циммерман реакциясын пайдалану арқылы) несепте бензилпенициллинмен емдеу кезінде жоғары мәндер байқалуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлікті басқару және машиналарды қолдану қабілетіне әсер етуіне ешқандай зерттеулер жүргізілген жоқ. Ықтимал елеулі жағымсыз әсерлердің пайда болуына байланысты (мысалы, коллапспен анафилаксиялық шок және анафилактоидты реакциялар) бензилпенициллин натрий тұзы препараты автокөлікті басқару және машинаны пайдалану қабілетіне әсер етуі мүмкін.

Бензилпенициллин плацента арқылы өтеді. Енгізгеннен кейін 1-2 сағаттан кейін эмбриональді сарысуда тиісті концентрацияға қол жеткізіледі. Жануарларға жүргізілген зерттеулер ұрпақ өрбітуге уыттылыққа қатысты тікелей немесе жанама әсер етудің ешқандай белгілерін көрсетпеді. Жүктілік кезінде қолдану болжамды пайдасы жағымсыз әсерлердің даму қаупінен асып кеткен жағдайда ғана мүмкін болады. Бензилпенициллин жүктілік кезінде мерезді емдеу үшін қолданылмайды. Бензилпенициллинді қолданған кезде бензилпенициллиннің аз мөлшері емшек сүтінде пайда болады. Осы уақытқа дейін емшек сүтімен қоректенетін балалардағы жағымсыз әсерлер туралы хабарланбаған болса да, сенсибилизация немесе ішек флорасына жағымсыз әсер ету мүмкіндігін ескеру керек. Нәрестелерді емізуге болмайды. Емшек сүтімен емізуді емдеуді тоқтатқаннан кейін 24 сағаттан кейін қайта бастауға болады.

Бензилпенициллинді бірге қолдану ұсынылмайды Жалпы қағидатқа сүйене отырып, бактерицидтік және бактериостатикалық антибиотиктерді біріктіруге болмайды, бактерицидтік антибиотиктерге жататын Бензилпенициллин натрий тұзы препаратын бактериостатикалық антибиотиктермен біріктіруге болмайды. Аралас инъекциялар немесе инфузиялар: қажетсіз химиялық реакцияларды болдырмау үшін аралас инъекцияларды немесе инфузияларды немесе глюкоза сияқты құрамында көмірсулар бар ерітінділермен қоспаларды қолданудан аулақ болу керек. Пробенецид: пробенецидті енгізу бензилпенициллиннің өзекшелік секрециясының тежелуіне алып келеді, бұл сарысудағы концентрацияның ұлғаюына және жартылай шығарылу кезеңінің ұзартылуына алып келеді. Сонымен қатар, пробенецид пенициллиннің жұлын сұйықтығынан тасымалдануын тежейді, сондықтан пробенецидті бір мезгілде қабылдау бензилпенициллиннің ми тініне енуін одан әрі азайтады. Қабынуға қарсы, ревматизмге қарсы және қызу түсіретін дәрілер: бензилпенициллинді қабынуға қарсы, ревматизмге қарсы немесе қызу түсіретін дәрілермен (әсіресе индометацинмен, фенилбутазонмен, жоғары дозадағы салицилаттармен) бірге қолданғанда сарысудағы концентрацияның ұлғаюына және жартылай шығарылу кезеңін ұзартуға әкеледі. Дигоксин: дигоксинді бензилпенициллин алатын пациенттерде сақтықпен қолдану керек, өйткені өзара әрекеттесу нәтижесінде брадикардия қаупі бар. Метотрексат: бензилпенициллинмен бірге қолданғанда метотрексаттың экскрециясы азаяды. Бұл метотрексат уыттылығының артуына әкелуі мүмкін. Метотрексат пен пенициллинді бір мезгілде қолданудан аулақ болу керек. Егер бірге пайдалану даусыз болса, метотрексат дозасын төмендетуді қарастырған жөн. Пациент лейкопенияны, тромбоцитопенияны және терінің іріңдеуін қоса алғанда, метотрексаттың ықтимал қосымша жағымсыз реакцияларына қатысты бақылауда болуы тиіс. Пероральді антикоагулянттар: пероральді антикоагулянттар және пенициллин антибиотиктері іс жүзінде өзара әрекеттесусіз кеңінен қолданылды. Дегенмен, әдебиетте пенициллинмен бір мезгілде аценокумарол немесе варфарин тағайындаған кезде қан кету байқалған пациенттер санының артуы туралы хабарламалар бар. Егер бір мезгілде қабылдау талап етілсе, пенициллинді бірлесіп енгізу немесе қабылдауды тоқтату кезінде протромбин уақытын немесе коагуляцияның басқа параметрлерін мұқият бақылау керек. Сонымен қатар, антикоагулянттың пероральді дозасын түзету қажет болуы мүмкін. Антибиотиктер арасындағы синергизм: егер синергетикалық немесе кем дегенде қосымша әсер күтілсе, Бензилпенициллин натрий тұзы препаратын басқа антибиотиктермен бірге қолдану керек. Әдетте, біріктірілімнің жекелеген компоненттері толық тиімді дозада енгізілуі тиіс (ерекшелік: егер синергизм дәлелденсе, біріктірілім бойынша неғұрлым уытты серіктестің дозасын азайтуға болады). Бензилпенициллин натрий тұзы препаратын келесі антибиотиктермен біріктіруге болады: - бета-лактамды антибиотиктер (мысалы, флуклоксациллин және басқа да әсер ету өрісі тар бета-лактамдар); - аминопенициллиндер; - аминогликозидтер.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 15 °C-ден 25 °C-ге дейінгі температурада сақтау керек. Балалардың қолы жетпейтін жерде сақтау керек!