Асталин аэрозоль 100 мкг/дозу

Бір дозаның құрамында белсенді зат - 100 мкг сальбутамолға баламалы, сальбутамол сульфаты (129 мкг)*, қосымша зат – тетрафторэтан (HFA-134a). *- 7.5% артық мөлшерін қоса Сыртқы түрінің, иісінің, дәмінің сипаттамасы Пластмасса негізді клапанмен жабдықталған және өнімнің аты, серия нөмірі және баллон нөмірі жазылған алюминий баллон. Көзбен тексеріп қарағанда жаншылу немесе ағып кету секілді физикалық зақымдану белгілері болмауы тиіс. Баллонның ішіндегісі ақ түсті ұнтақ.

Кешенді ем құрамында: - тыныс жолдарының қайтымды обструкциясы (демікпе, созылмалы бронхит, эмфизема) бар пациенттердегі бронх түйілуін басу және дамуының алдын алу үшін - бронх демікпесі ұстамасының симптомдарын жеңілдету немесе болжамды ұстамасы алдында (мысалы, дене жүктемесі немесе аллергеннің анық әсер етер алдында), олардың алдын алу үшін Бронходилататорлар бронх демікпесі емінің жалғыз немесе негізгі компоненті болмауы тиіс. Егер демікпесі бар пациентте сальбутамолмен емдеуге жауап болмаса, симптомдарының бақылауға алынуына қол жеткізу және оны ұстап тұру үшін, ингаляциялық ГКС қолдану ұсынылады.

Әсер ету механизмі Сальбутамол - β2-адренорецепторлардың селективті агонисі. Емдік дозаларында бронхтардың бұлшықеттеріндегі β2-адренорецепторларға әсер етеді. Сальбутамолдың әсері қысқа (4 сағаттан 6 сағатқа дейін) және әсері жылдам басталады (қолданылған сәтінен бастап 5 минутқа жуық). Балалар 4 жасқа толмаған балаларда жүргізілген клиникалық зерттеулерде 4 жастан асқан балалармен, жасөспірімдермен және ересектермен салыстырғанда, қауіпсіздік бейінінің ұқсастығы дәлелденді.

Дозалау режимі Аэрозоль түріндегі Асталин препараты тек, аэрозольді ауыз арқылы жұту жолымен ингаляциялау үшін қолданылады. Демін тежеу және ингалятордан дәріні шығару қиынға соғатын адамдар, аэрозоль түріндегі Асталин препаратын спейсер түріндегі құрылғының көмегімен қолдануына болады. 5 жасқа толмаған балаларға да, Асталин препаратын спейсер арқылы қолданған дұрыс. Ересектер және егде жастағы адамдар β2-агонистерді қолдану қажеттілігінің артуы демікпе ағымының нашарлағанын білдіруі мүмкін. Ондай жағдайларда жүргізіліп жатқан бағалауды қайтадан жүргізу және қосымша ГКС тағайындау мүмкіндігін қарастыру ұсынылады. Ұсынылған дозалары арттырылған жағдайда, жағымсыз реакциялардың туындау қаупіне байланысты, қабылдау жиілігі мен қолданылып жүрген дозалары тек, дәрігердің тағайындауы бойынша ғана арттырылуы тиіс. Асталин препаратының әсер ету ұзақтығы пациенттердің көпшілігінде 4-6 сағатты құрайды. Препаратты қабылдаудың қажеттілігі тәулігіне 4 реттен (800 мг) аспауы тиіс. Препарат қажеттілігінің күрт артуы демікпенің бақылануының нашарлығын немесе оның ағымының нашарлауын білдіреді. Бронх түйілуінің жедел ұстамасын қайтару Ересектер: бір реттік, бастапқы дозасы ретінде 100 мкг-ден бастап. Қажет болған жағдайда, дозасын 200 мкг (2 ингаляцияға) дейін арттыруға болады. 12 жасқа дейінгі балалар: бір рет 100 мкг. Қажет болған жағдайда, дозасын 200 мкг дейін арттыруға болады. Дене жүктемесінен туындаған немесе этиологиясы аллергиялық бронх түйілуінің алдын алу Ересектер: дене жүктемесіне немесе аллергенмен күтілетін қатынасқа дейін 200 мкг. 12 жасқа дейінгі балалар: дене жүктемесі кезінде немесе аллергенмен қатынас күтілетін жағдайда, аталған факторлардың әсер етуіне дейін 10-15 минут бұрын 100 мкг. Қажет болған жағдайда, дозасын 200 мкг дейін арттыруға болады Ұзаққа созылатын демеуші ем Ересектер мен балаларға тәулігіне 4 рет 100-200 мкг препарат. Енгізу әдісі және жолы Егер ингалятор салқын болса, препараттың әсері әлсіз болуы мүмкін. Баллон салқындап қалған жағдайда, оны пластик корпусынан шығарып алу және бірнеше минут бойы қолға ұстап жылыту ұсынылады. Баллонды, тіпті ол бос болса да, бөлшектеуге, тесуге және отқа тастауға болмайды. Ингалятордың жұмыс істеп тұрғандығын тексеру Мүштіктен қақпағын абайлап алып, ингаляторды қатты сілку және препараттың екі дозасын ауаға бүрку керек. Егер ингалятор бірнеше күн бойы пайдаланылмаған болса, жақсылап сілку және оның дұрыс жұмыс істейтініне көз жеткізу үшін, препараттың бір дозасын ауаға бүрку керек. Ингаляторды қолдану 1. Ингалятор мүштігінің қорғағыш қалпақшасын алып тастаңцыз. Мүштіктің таза және құрғақ екендігін тексеріңіз. 2. Ингаляторды қатты сілкіңіз. 3. Бас бармақты мүштіктен төмен негізге қойып, ингаляторды бас бармағыңыз бен сұқ саусақтарыңыздың арасында тігінен ұстаңыз. 4. Терең дем шығару (бар мүмкіндігінше) керек. Содан соң мүштікті тістердің арасына салыңыз (оны тістемей) және ерінмен мықтап ұстап тұрыңыз. 5. Ауыз арқылы терең дем алу керек. Терең дем алуды жалғастыра отырып, ингалятордың үстіңгі бөлігін басу керек. 6. Демді кідіртіп, ингаляторды ауыздан шығарыңыз және ингалятордың үстіңгі бөлгінен сұқ саусағыңызды алыңыз. Демді тежеуді мүмкіндігінше, ұзағырақ жалғастыру керек. 7. Егер ингаляцияны жалғастыру қажет болса, ингаляторды тік ұстап, шамамен жарты минуттай күте тұрған жөн, сонан соң 2-ден 6-ға дейінгі сатыларды қайталайды. Ингаляциядан кейін мүштікке шаңнан қорғайтын қалпақшасын кигізіп қою керек. Назар аударыңыз 4, 5 және 6 тармақтарда көрсетілген әрекеттерді орындағанда асықпаңыз. Ингаляторды қалыпты, терең дем ала бастағанда басу маңызды. Ингаляцияның дұрыс орындалғанына сенімді болу үшін, әуелі дәріні қабылдау тәсілін айна алдында байқап көру қажет. Ингаляциялау кезінде пайда болатын ингалятордан, еріннен немесе мұрыннан білінетін «түтіндеу» ингаляция техникасының дұрыс болмағанын көрсетеді, және қайтадан, 2 тармақтан бастап, ингаляторды қолдануға жаттығу керек. Дәріні тек дәрігердің тағайындауымен қолдану және препаратты қабылдаумен байланысты кез келген қиындық туралы дәрігерді хабардар ету қажет. Ингаляторды тазалау Ингаляторды аптасына кемінде бір рет тазалау керек. 1. Металл баллонды ингалятордың пластик корпусынан ағытып алыңыз және мүштіктің қақпақшасын алып тастаңыз. — 2. Бүріккішті ағынды жылы сумен жуып-шайыңыз. 3. Бүріккіштің іші-сыртын әдбен кептіру керек. — 4. Баллонды және мүштіктің қақпағын орнына қайта салыңыз. МЕТАЛЛ БАЛЛОНДЫ СУҒА БАТЫРМАҢЫЗ. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Асталин препаратын қолданар алдында осы дәрілік препаратты қолдану тәсілін түсіндіру үшін медицина қызметкерінен кеңес алу ұсынылады.

- әсер етуші затқа (заттарға) немесе қосымша заттардың кез келгеніне аса жоғары сезімталдық - мерзімінен бұрын босану • қауіп төндіретін аборт • 4 жасқа дейінгі балаларға Сальбутамолдың вена ішіне енгізуге арналмаған шығарылу түрлері мерзімінен бұрын босанулар мен түсік қаупін тоқтату үшін қолданылмауы тиіс.

Жиі - тремор, бас ауыруы - тахикардия Жиі емес - ауыз қуысы мен жұтқыншақтың шырышты қабығының тітіркенуі - жүрек соғуының жиілеуі - бұлшықеттердің құрысуы Сирек - гипокалиемия (β2-агонистермен емдеу айқын гипокалиемияға әкеп соқтыруы мүмкін) - шеткері қантамырлардың кеңеюі Өте сирек - есекжемді, ангионевроздық ісінуді, бронх түйілуін, гипотензияны, коллапсты қоса, аса жоғары сезімталдық реакциялары - парадоксальді бронх түйілуі - лактоацидоз (сальбутамолды венаішілік инъекциялар түрінде және бронх демікпесінің өршулерін емдеуге арналған небулайзер арқылы қабылдап жүрген пациенттерде) - аса жоғары белсенділік - жыпылықтағыш аритмияны, суправентрикулярлық тахикардия мен экстрасистолияны қоса, аритмия Белгісіз - жүректің ишемиялық ауруы* * тіркеуден кейінгі деректердегі өздігінен болған хабарлама, сондықтан жиілік белгісіз болып саналады Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: сальбутамолмен артық дозалану симптомдарының көпшілігі бета-агонистердің өтпелі жағымсыз реакциялары болып табылады. Сальбутамолдың артық дозалануының анағұрлым жиі белгілері мен симптомдары фармакологиялық тұрғыдан бета-агонистер түрткі болған тахикардия, тремор, жоғары белсенділік және гипокалиемияны қоса алғандағы, метаболизмдік әсерлер сияқты қысқа мерзімді құбылыстар болып табылады. Артық дозаланған кезде гипокалиемия дамуы мүмкін, соған байланысты, қан сарысуындағы калий деңгейіне мониторинг жүргізу қажет. Әсері қысқа бета-агонистердің жоғары емдік дозаларын қолдану және артық дозалану кезінде сүтқышқылды ацидоз дамығаны анықталған. Емі: сальбутамолдың жоғары дозаларын қолдану гипокалиемияны туғызуы мүмкін, сондықтан, артық дозалануына күдіктенген жағдайда, қан сарысуындағы калий деңгейін бақылау керек. Лактат деңгейін және кейіннен метаболизмдік ацидоздың дамуын бақылау қажет (ысқырып дем алу сияқты бронх түйілуінің басылғанына қарамастан, әсіресе,тахипноэ болған немесе нашарлаған жағдайда).

Пациенттер препараттың өкпеге оңтайлы жетуін қамтамасыз ету үшін, дем алған сәтте ингалятор клапанын баса отырып, ингаляторды дұрыс пайдалануы тиіс. Пациенттерге ингаляция кезінде олардың алдыңғы ингалятормен салыстырғанда, басқа дәмді сезінуі мүмкін екендігі ескертілуі тиіс. Бронходилататорлар тұрақсыз немесе ауыр ағымды бронх демікпесі емінің жалғыз немесе негізгі компоненті болмауы тиіс. Демікпенің ауыр түрін өкпе функциясын тексеруді қоса, жүйелі түрде медициналық бағалауды қажет етеді, өйткені, пациенттер ауыр ұстамалар және тіпті, өлім қаупіне ұшырайды. Ондай науқастарға қатысты, дәрігерлер ингаляциялық кортикостероидтардың ұсынылған ең жоғарғы дозасын және/немесе кортикостероидтармен пероральді емдеуді пайдалану мәселесін қарастыруы тиіс. Дозасын немесе қолдану жиілігін тек дәрігердің ұсынысы бойынша арттыру керек. Егер ингаляциялық сальбутамолдың бұрынғы тиімді дозасы кемінде үш сағатқа созылатын жеңілдікті қамтамасыз етпесе, пациентке медициналық көмекке жүгіну туралы кеңес беру керек. Тұрақты қабынуға қарсы ем тағайындалған пациенттерге (мысалы, ингаляциялық кортикостероидтар) тіпті симптомдар жақсарса және сальбутамол ингаляторын қажет етпесе де, қабынуға қарсы препараттарды қабылдауды жалғастыру туралы кеңес беру керек. Қысқа әсер ететін бета-агонистерді шамадан тыс қолдану негізгі аурудың үдеуін бүркемелеуі және демікпені бақылаудың нашарлауына ықпал етуі мүмкін, бұл демікпенің ауыр өршуі мен өлім қаупінің жоғарылауына әкеледі. Жаттығу алдындағы профилактикалық қабылдауды есептемегенде, салбутамолды «қажеттілігіне қарай» аптасына екі реттен көп қабылдайтын пациенттер, емдеуді дұрыс түзету үшін қайта тексеруден өтуі керек (яғни, күндізгі симптомдар, түнде ояну және демікпеге байланысты белсенділіктің шектелуі), бұл пациенттер салбутамолды шамадан тыс қолдану қаупіне ұшырайды. Демікпенің ауыр өршулерін әдеттегідей тәртіппен емдеу керек. Арнайы сақтандырулар Симпатомиметиктерді, соның ішінде сальбутамолды қолданғанда, жүрек-қантамыр жүйесі тарапынан симптомдар байқалуы мүмкін. Маркетингтен кейінгі зерттеулерде және жарияланған әдебиеттерде, сальбутамолды қабылдауға байланысты жүректің ишемиялық ауруы жағдайлары туралы хабарланған. Жүректің негізгі ауыр ауруы (мысалы, жүректің ишемиялық ауруы, аритмия немесе жүректің ауыр жеткіліксіздігі) бар, сальбутамолды қабылдап жүрген пациенттерге, егер олар кеуденің ауыруын немесе жүрек ауруының нашарлауының басқа симптомдарын сезінсе, дәрігерге қаралу қажеттілігі ескертілуі тиіс. Ентігу және кеуденің ауыруы сияқты симптомдардың бағалануына көңіл бөлу керек, өйткені олар респираторлық немесе жүрек-қантамыр ауруларына қатысты болуы мүмкін. Демікпені емдеу, әдетте, сатылап жүргізіледі, бұл кезде пациенттің реакциясын клиникалық тұрғыдан және өкпенің функционалдық тестілері бойынша бақылап отыру керек. Дозасын немесе қолданылу жиілігін тек, дәрігердің ұсынымы бойынша ғана арттыруға болады. Әсері қысқа β2-агонистерді қабылдау қажеттілігінің жоғарылауы демікпенің бақылануының нашарлағанын білдіруі мүмкін және пациентке ескерту және мүмкіндігінше тезірек медициналық көмекке жүгіну туралы нұсқау беру керек. Ондай жағдайларда, дәрігерге қаралу және егер, әсері қысқа бронходилататормен емдеудің тиімділігі азая түссе немесе ингаляциялардың әдеттегіден көп мөлшерде қажеттілігі туындаса, пациентті емдеу жоспарын қайта қарау керек. Бұл жағдайда пациенттің жағдайына баға беру және қабынуға қарсы күшейтілген емнің (мысалы ингаляциялық кортикостероидтардың жоғарырақ дозалары немесе пероральді кортикостероидтар курсы) қажеттілігін қайта қарау керек. Препаратты тиреотоксикозы бар пациенттерде сақтықпен қолданады. 2-адренорецепторлардың агонистерімен емдеу, әсіресе, оларды парентеральді немесе небулайзердің көмегімен енгізгенде, гипокалиемияға алып келуі мүмкін. Бронх демікпесінің ауыр ұстамаларын емдеу кезінде айрықша сақтық таныту ұсынылады, өйткені, ондай жағдайларда ксантин туындыларын, глюкокортикостероидтарды, диуретиктерді бір мезгілде қолданудың нәтижесінде, сондай-ақ, гипоксияның салдарынан гипокалиемия күшеюі мүмкін. Ондай жағдайларда, қан сарысуынағы калий деңгейін бақылау қажет. Басқа ингаляциялық препараттар қолданылған жағдайлардағы сияқты, дозасын енгізгеннен кейін тікелей ентігудің артуымен, парадоксальді бронх түйілуі дамуы мүмкін. Парадоксальді бронх түйілуі туындаған жағдайда, оны дереу баламалы препараттың немесе басқа фармакологиялық топқа жататын, жылдам әсер ететін ингаляциялық бронходилататордың көмегімен қайтару қажет. Асталин препаратымен емдеуді дереу тоқтатып, пациенттің жағдайына баға беру және қажет болған жағдайда, ары қарай пайдалану үшін, жылдам әсер ететін басқа бронходилататорларды тағайындау керек. Фертильділік Препараттың адамдағы фертильділікке ықпалы туралы мәліметтер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Деректері жоқ.

Жүкті әйелдердің қабылдауы кезіндегі қауіпсіздігі анықталмаған. Препаратты жүктілік және лактация кезеңінде қолдану, анасы үшін күтілетін пайдасы шарана немесе нәресте үшін қаупінен асып түсетін жағдайда ғана мақұлданады. Сальбутамол емшек сүтімен бөлініп шығуы ықтимал, оны бала емізетін әйелдерге тағайындау мәселесін абайлап қарастыру керек. Аналарының жүктілік кезінде арасында сальбутамол бар препараттарды қабылдауы аясында балаларда полидактилия мен таңдай жарығы және жүрек-қантамыр жүйесі тарапынан бұзылулар анықталғандығы туралы мәліметтер бар (олардың туындауының препаратты қабылдаумен нақты себептік байланыстылығы анықталмаған), соған байланысты, қауіп дәрежесі 2-3 % деп бағаланады. Сальбутамолдың тератогендік әсерінің бары – бассүйек сүйектерінің жетілмеуі анықталған.

Сальбутамолды және пропранолол сияқты β-адренонорецепторлардың селективті емес блокаторларын бір мезгілде қолдану ұсынылмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 30 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!