Ангисепт НL таблетки

Бір таблетканың құрамында белсенді заттар: прополис тұндырмасы 0,06 г, аскорбин қышқылы 0,005 г, түймедақ қою экстрактісі 0,005 г; қосымша заттар: қант, лимон қышқылы, кальций стеараты. Сыртқы түрінің, иісінің, дәмінің сипаттамасы Ашық-сарыдан көк-жасыл түске дейінгі, болар-болмас теңбілдері бар, сызығы мен ойығы бар, диаметрі 12 мм-ге жуық, биіктігі (4,0 ± 0,2) мм жалпақ цилиндр пішінді таблеткалар. Дәмі қышқыл-тәтті, өзіне тән иісі бар.

Ангисепт НL ересектер мен 6 жастан асқан балаларда келесі ауруларда қолданылады: - жоғарғы тыныс алу жолдарының жедел және созылмалы инфекцияларында (ЖРА, ангина, гингивиттер, стоматиттер) - ауыз қуысы мен тамақтың қабыну ауруларында - ауыз қуысындағы ойық жаралар мен жараларда - ауыздағы және тамақтағы жағымсыз сезімдер (құрғауы және жыбырлауы) кезінде - ауыздан жағымсыз иіс шығатын жағдайда.

Әсер ету механизмі Ангисепт НL біріктірілген дәрілік препарат болып табылады. Прополистің құрамында флавоноидтар, флавондар, флавонолдар, даршын қышқылының туындылары бар, осының есебінен препарат бактерияға қарсы және қабынуға қарсы әсерге ие және ауырсынуды басатын дәрі ретінде әсер етеді. Прополистің ауырсынуды басатын қасиеті ферменттік деңгейде жүреді. Прополистің күшті антисептикалық әсері организмді патогендік бактериялар мен вирустардан қорғайды. Бір қызығы, синтетикалық антибиотиктерден айырмашылығы, бактерияларда прополиске қарсы төзімділік түзілмейді. Прополис тимус функциясын стимуляциялайды және интерферон өндірілуін белсендіреді, липидтер мен қандағы қантты реттейді. Прополис жылдам регенерацияға ықпал ететіндіктен, одан алынған препараттар трофикалық ойық жараларды, ұзақ уақыт жазылмаған жараларды, экземаларды, дерматоздарды емдеуде сәтті пайдаланылады. Прополистің емдік заттарының әсерінен шырышты қабықтардың эпителийленуі жеделдейді, тіндердің қабынуы қалпына келуімен алмасады. Аскорбин қышқылы (С дәрумені) суда еритін дәрумендер тобына жатады. Аскорбин қышқылы (С дәрумені) айқын қалпына келтіру қасиеттеріне ие. Ол тотығу-тотықсыздану реакцияларына, көмірсулар алмасуын реттеуге қатысады, хош иісті қатардағы амин қышқылдарының алмасуына, тироксин метаболизміне, катехоламиндердің, стероидты гормондар мен инсулиннің биосинтезіне әсер етеді, қанның ұюына, коллаген мен проколлаген синтезіне, дәнекер және сүйек тіндерінің регенерациясына қажет. Капиллярлардың өткізгіштігін жақсартады. Ішекте темір абсорбциясына ықпал етеді және гемоглобин синтезіне қатысады. Организмнің спецификалық емес резистенттілігін жоғарылатады. Аскорбин қышқылын тамақпен жеткіліксіз қабылдау С дәрумені тапшылығы жағдайларының дамуына алып келеді, өйткені организмде бұл дәрумен синтезделмейді. Түймедақ экстрактісі пепсиннің протеолитикалық белсенділігін азайтады, қабынуға қарсы әсер береді. Камазулен мен эфир майларының болуына байланысты липидтердің асқын тотығуын тежейді, бұл антиоксиданттық әсеріне себеп болады. Қабынуға қарсы және антиоксиданттық, түйілуді басатын, қабынуға қарсы, микробқа қарсы (Staphylococcus spp және Candida spp. қатысты) әсер береді, тіндердің регенерация үдерістерін жақсартады. Сондай-ақ иіссіздендіретін және қышынуға қарсы әсері бар.

Дозалау режимі 6 жастан 12 жасқа дейінгі балаларға күніне 3-4 рет 1 таблеткадан. 12 жастан асқан балалар мен ересектерге доза екі еселенеді. Ең жоғары тәуліктік доза – 8 таблетка. Паценттердің ерекше топтары Балалар 6 жасқа дейінгі балаларда қолданылуының қауіпсіздігі анықталмаған. Бауыр функциясы бұзылған пациенттер Дозасын түзету қажет емес. Егде жастағы пациенттер Егде жастағы пациенттерге дозасын түзету қажет емес. Енгізу әдісі мен жолы Толық ерігенге дейін ауызда баяу сору керек. Препаратты қолданғаннан кейін бірден тамақ ішпеген және 1-2 сағат бойы сусын ішпеген дұрыс. Емдеу ұзақтығы Емдеу курсы 5-6 күн. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану бойынша сұрақтар туындаған жағдайда дәрігердің немесе фармацевттің кеңесіне жүгіну керек.

- препараттың белсенді заттарына немесе қандай-да бір қосымша заттарына аса жоғары сезімталдық - қант диабеті - 6 жасқа дейінгі балаларға - тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза жақпаушылығы немесе сахараза-изомальтаза жеткіліксіздігі бар пациенттер.

Өте сирек: - жүрек айнуы, құсу, тәбеттің төмендеуі - ара шаруашылығы өнімдеріне аллергиялық реакциялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты ұсынылғанынан артық дозаларда қабылдау асқазан-ішек жолы тарапынан бұзылуларды туындатуы мүмкін. Емі: препаратты қабылдауды тоқтату керек. Симптоматикалық ем.

Гипергликемиямен қатар жүруі мүмкін жағдайларда препаратты тек дәрігердің ұсынымы бойынша және ең аз дозаларында қабылдауға болады. Арнайы ескертулер Егер ауру симптомдары сақталып қалса, нашарласа немесе жаңалары пайда болса, дәрігермен кеңесу керек. Прополис сирек аллергия тудырады, бұл оны терінің аллергиялық ауруларын емдеуде де қолдануға мүмкіндік береді. Алайда, жоғары сезімталдықтың пайда болу ықтималдығы бәрібір де бар. Аллергиясы бар адамдарға қолданар алдында аурудың өршуін басатын дәрілер қолда болған жағдайда, тері сынамаларын жүргізу ұсынылады. Аллергенділігінің төмендігі оны қатарлас аурулар жағдайында кешенді емдеуде кеңінен қолдануға мүмкіндік береді. Аскорбин қышқылын жылдам пролиферацияланатын және қарқынды метастазданатын ісіктері бар пациенттерге тағайындау үдеріс ағымын ушықтыруы мүмкін. Организмінде темір мөлшері жоғары пациенттерде аскорбин қышқылын ең аз дозада қолдану керек. Құрамында аскорбин қышқылының болуына байланысты қан ұюы жоғары, полицитемия, лейкемия, тромбофлебит немесе тромбозға бейімділігі, гипероксалуриясы, бүйрек-тас ауруы бар пациенттерге тағайындағанда ерекше сақтық таныту керек. Аскорбин қышқылының жоғары дозаларын қабылдау бүйректе кальций оксалаты тастарының түзілуіне байланысты, сондықтан аскорбин қышқылын гипероксалуриясы бар пациенттерде сақтықпен қолдану керек. Қосымша заттар Дәрілік препараттың құрамында қант бар, мұны қант диабеті бар пациенттерде ескеру керек. Педиатрияда қолдану 6 жасқа дейінгі балаларға қауіпсіздігі анықталмаған. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану автокөлікті немесе қауіптілігі зор механизмдерді басқару қабілетіне әсер етпейді.

Препаратты жүктілік және бала емізу кезеңінде қолданудың қауіпсіздігі жөніндегі деректер жоқ, сондықтан препаратты тек, ана үшін болжамды пайдасы шарана мен балаға төнетін қауіптен асып түсетін жағдайда ғана қолдануға болады.

Басқа препараттармен клиникалық тұрғыдан елеулі өзара әрекеттесулері анықталған жоқ. Препаратты микробқа қарсы басқа жергілікті дәрілермен бір мезгілде қолдануға болады. Аскорбин қышқылы қандағы пенициллин мен тетрациклиндер концентрациясын жоғарылатады, ішекте темірдің сіңірілуін жақсартады (үш валентті темірді екі валентті темірге айналдырады), дефероксаминмен бір мезгілде қолданғанда темірдің шығарылуын арттыруы мүмкін. Аскорбин қышқылын құрамында алюминий бар антацидтермен бір мезгілде қолдану алюминийдің несеппен шығарылуын арттыруы мүмкін. Қысқа әсер ететін салицилаттармен және сульфаниламидтермен емдегенде С дәруменін бірге тағайындау қышқылдардың бүйрекпен шығарылуын баяулатады, сілтілік реакциясы бар дәрілік заттардың (оның ішінде алкалоидтардың) шығарылуын жоғарылатады, кристаллурияның даму қаупін арттырады. Аскорбин қышқылы бір мезгілде қолданғанда пероральді контрацептивтердің, тікелей емес антикоагуляторлардың қандағы концентрациясын төмендетеді, этанолдың жалпы клиренсін жоғарылатады, изопреналиннің, В12 дәруменінің, нейролептиктер - фенотиазин туындыларының (мысалы, флуфеназин) емдік әсерін азайтады, трициклдық антидепрессанттардың өзекшелік реабсорбциясын төмендетеді. Барбитураттарды бір мезгілде қабылдау аскорбин қышқылының несеппен шығарылуын арттырады. Индометацин аскорбин қышқылының тиімділігін төмендетуі мүмкін. Түймедақ пен варфаринді бір мезгілде қолданғанда өсімдікте гидроксикумариндердің болуы есебінен оның әсері күшеюі мүмкін. Пепсиннің протеолитикалық белсенділігін төмендетеді. Варфарин (кумадин), клопидогрель (плавикс) және аспирин сияқты антикоагулянттық және антиагреганттық препараттармен өзара әрекеттескен кезде қан кетудің даму қаупін арттырады; гипотензивті дәрілік заттармен олардың әсерін күшейтеді; диабетке қарсы дәрілермен гипогликемияның даму қаупін арттырады; седативтік препараттармен және ұрықтануға қарсы дәрілермен, олардың әсерін күшейтеді; шүйгіншөп, кава немесе мысық жалбызы сияқты шөптермен олардың әсерін күшейтеді. Бүйрек трансплантациясынан кейін ұзақ уақыт бойы (шамамен екі ай) түймедақ гүлдері препараттарының жоғары дозаларын қабылдаған пациенттерде CYP450 әсеріне негізделген өзара әрекеттесулер туралы хабарламалар алынды.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 15oС-ден 25oС-ге дейінгі температурада сақтау керек. Балалардың қолы жетпейтін жерде сақтау керек!