Амлодипин таблетки 5 мг

Бір таблетканың құрамында белсенді зат – амлодипин (амлодипин бесилаты түрінде) 5.0 мг, қосымша заттар: микрокристалды целлюлоза, картоп крахмалы, кальций стеараты, лактоза моногидраты. Сыртқы түрінің, иісінің, дәмінің сипаттамасы Дөңгелек ақ немесе ақ дерлік түсті, жалпақ цилиндр секілді, ойығы бар таблеткалар.

- артериялық гипертензия, - созылмалы тұрақты стенокардия, - вазоспастикалық стенокардияда (Принцметал стенокардиясы).

Амлодипин – дигидропиридин қатарының кальций өзекшелерінің блокаторы; тамырлардың кардиомиоциттеріне және тегіс бұлшықет жасушаларына кальций иондарының (баяу кальций өзекшелерінің блокаторы немесе кальций иондарының антагонисі) трансжарғақшалы түсуін тежейді. Амлодипиннің гипотензивті әсері негізінде тамырлардың тегіс бұлшықеттеріне босаңсытатын әсер жатыр. Стенокардия кезінде амлодипин әсерінің дәл механизмі анықталмаған, бірақ амлодипин ишемияны төмендегі екі жолмен азайтады: • Амлодипин шеткергі артериолаларды кеңейтеді және, осылайша, кедергіден өту үшін жүрек жұмысы жұмсалатын жалпы шеткері қарсыласуды (кейінгі жүктемені) төмендетеді. Жүрек жиырылуының жиілігі тұрақты болып қалатындықтан, жүрекке түсетін жүктеменің азаюы энергия жұмсауды және миокардтың оттегі қажеттігін азайтуға алып келеді. • Миокардтың өзгермеген, сондай-ақ ишемизацияланған аумақтарында коронарлық артериялар мен артериолдың кеңеюі амлодипиннің әсер ету механизмінде рөл ойнауы ықтимал. Бұл кеңею коронарлық артериялардың (Принцметал стенокардиясы, немесе вазоспастикалық стенокардия кезінде) түйілуі бар пациенттерде миокардқа оттегінің түсуін арттырады. Артериялық гипертензиясы бар пациенттерде амлодипинді тәулігіне бір рет қолдану артериялық қысымның жатқан күйде де, сондай-ақ тұрған күйде де 24 сағат бойына клиникалық елеулі төмендеуін қамтамасыз етеді. Амлодипиннің әсер етуінің баяу басталуына байланысты артериялық қысымның кенеттен түсуі байқалмайды. Тұрақты стенокардиясы бар пациенттерде амлодипиннің бір реттік тәуліктік дозасы физикалық жүктемеге төзімділікті арттырып, стенокардия ұстамасының және 1 мм ST сегментінің депрессиясының дамуына дейін уақытты арттырады және стенокардия ұстамасының жиілігін төмендетіп, нитраттарды қолдану қажеттілігін азайтады. Амлодипин қандай да бір жағымсыз метаболизмдік әсерлерді немесе қан плазмасындағы липидтер деңгейінің өзгерістерін туындатпады, сондықтан ол бронх демікпесі, қант диабеті және подаграсы бар пациенттерде қолданыла алады. Жүректің ишемиялық ауруы бар пациенттерде қолданылуы Жүректің ишемиялық ауруы бар пациенттерде клиникалық оқиғаларды алдын алу мақсатында амлодипиннің тиімділігі 1 997 пациенттің қатысуымен — CAMELOT (Comparison of Amlodipine vs Enalapril to Limit Occurrences of Thrombosis — Амлодипин мен эналаприлдің тромбоздың дамуын шектеу қабілетін салыстыру) тәуелсіз, мультиорталықты, рандомизацияланған, салыстырмалы жасырын, плацебо-бақыланатын зерттеуде бағаланды. 2 жылдық кезең ішінде осы пациенттердің 663-і 5-10 мг дозадағы амлодипинді, 673 пациент – 10-20 мг дозадағы эналаприлді және 655 пациент - статиндермен, бета-адреноблокаторлармен, диуретиктермен немесе аспиринмен стандартты емге қосымша плацебоны алған. Тиімділік бойынша негізгі нәтижелері 1 кестеде келтірілген. Алынған нәтижелер ЖИА бар пациенттерде амлодипинді қабылдау стенокардияға қатысты госпитализациялау мен реваскуляризация процедуралары жағдайларының ең төмен санымен сипатталғанын көрсетті. 1 кесте. CAMELOT зерттеуінде елеулі клиникалық нәтижелердің жиілігі Нәтижелері — Жүрек-қантамыр оқиғалары Саны (%) — Амлодипин vs. плацебо Амлодипин — Плацебо — Эналаприл — Қауіптер қатынасы (95% СА) — Р- мәні Бастапқы соңғы нүкте Жағымсыз жүрек-қантамыр оқиғалары — 110 (16,6) — 151 (23,1) — 136 (20,2) — 0,69 (0,54-тен 0,88 дейін) — 0,003 Жекелеген құрамдастары Коронарлық артериялардың реваскуляризациясы — 78 (11,8) — 103 (15,7) — 95 (14,1) — 0,73 (0,54-тен 0,98 дейін) — 0,03 Стенокардияға қатысты госпитализация — 51 (7,7) — 84 (12,8) — 86 (12,8) — 0,58 (0,41-ден 0,82 дейін) — 0,002 Фатальді емес миокард инфарктісі — 14 (2,1) — 19 (2,9) — 11 (1,6) — 0,73 (0,37-ден 1,46 дейін) — 0,37 Инсульт немесе транзиторлы ишемиялық шабуыл — 6 (0,9) — 12 (1,8) — 8 (1,2) — 0,50 (0,19-дан 1,32 дейін) — 0,15 Жүрек-қантамыр өлімі — 5 (0,8) — 2 (0,3) — 5 (0,7) — 2,46 (0,48-ден 12,7 дейін) — 0,27 Жүрек жеткіліксіздігіне қатысты госпитализация — 3 (0,5) — 5 (0,8) — 4 (0,6) — 0,59 (0,14-тен 2,47 дейін) — 0,46 Кейін реанимация жүргізумен жүректің тоқтауы — 0 — 4 (0,6) — 1 (0,1) — Деректер жоқ — 0,04 Шеткері тамырлардың алғаш анықталған аурулары — 5 (0,8) — 2 (0,3) — 8 (1,2) — 2,6 (0,50-ден 13,4 дейін) — 0,24 Жүрек жеткіліксіздігі бар пациенттерде қолданылуы Гемодинамика зерттеулері және физикалық жүктемемен сынаманы пайдаланумен бақыланатын клиникалық зерттеулер физикалық жүктемені көтере алушылық көрсеткіштері, сол жақ жүрекшенің шығару фракциясы және клиникалық симптоматика дәлел болған амлодипиннің жүрек жеткіліксіздігі бар (NYHA жіктеуі бойынша II-IV функционалдық класы) пациенттер жағдайының нашарлауына әкелмейтінін көрсеткен. Дигоксинді, диуретиктер мен АӨФ тежегіштерін алған NYHA жіктеуі бойынша IІI-IV функционалдық класының жүрек жеткіліксіздігі бар пациенттерді бағалау мақсатында әзірленген PRAISE плацебо-бақыланатын зерттеу амлодипинді қабылдау өлім қаупінің немесе аурудың жалпы қаупін / жүрек жеткіліксіздігі бар пациенттерде өлімнің артуына әкелмегенін көрсетті. АӨФ тежегіштерін, жүрек гликозидтерін және диуретиктерін тұрақты дозада қабылдайтын жүректің ишемиялық ауруының клиникалық немесе объективті белгілерінсіз NYHA жіктеуі бойынша IIІ және IV функционалдық класының жүрек жеткіліксіздігі бар пациенттердің қатысуымен PRAISE-2 қосымша ұзақ мерзімді плацебо-бақыланатын зерттеуде амлодипин жалпы және жүрек-қантамыр өліміне әсер етпеген. Мұндай пациенттерде амлодипинді қолдану өкпе ісіну жағдайлары санының артуымен қатар жүрген. (ALLHAT) миокард инфарктісінің профилактикасында емдеудің әр түрін бағалау бойынша зерттеу ALLHAT (Antihypertensive and Lipid-Lowering Treatment to Prevent Heart Attack Trial – Миокард инфарктісінің профилактикасында гипертензияға қарсы және гиполипидемиялық емді зерттеу) аурушаңдық пен өлімді зерттеу бойынша рандомизацияланған салыстырмалы жасырын зерттеу – жеңіл және орташа артериялық гипертензияны емдеуді тәулігіне 12,5-тен 25 мг дейін дозада тиазидті диуретик хлорталидонмен бірінші желідегі препараттар ретінде тәулігіне 2,5-нан 10 мг-ге дейін дозада амлодипин (кальций өзекшелерінің блокаторы) немесе тәулігіне 10-нан 40 мг дейін дозада лизиноприл (АӨФ тежегіші) ең жаңа препараттарды салыстыру үшін жүргізілген. Бұл зерттеуде орташа 4,9 жыл бойы байқалған 55 жастағы және одан үлкен жастағы артериялық гипертензиясы бар 33 357 пациент қатысқан. Зерттеуге қатысушыларда миокард инфарктісін немесе инсультті (зерттеуге қосқанға дейін 6 айдан астам) және/немесе атеросклероздық генездің басқа расталған жүрек-қантамыр ауруын (барлығы 51,5%), 2 типті қант диабетін (36,1%), Хс-ЛПВП <35 мг/дл (11,6%), ЭКГ немесе эхокардиография (20,9%) кезінде диагностикаланған сол жақ жүрекшенің гипертрофиясын және темекі шегуді (21,9%) қоса, жүректің ишемиялық ауру қаупінің кем дегенде бір қосымша факторы болған. Бастапқы соңғы нүкте фатальді ЖИА және фатальді емес миокард инфарктісінің біріктірілімі болып табылады. Амлодипинмен ем мен хлорталидонмен ем арасында бастапқы соңғы нүкте бойынша статистикалық елеулі айырмашылық анықталған жоқ (ҚҚ 0,98; 95% СИ [0,90 - 1,07]; р = 0,65). Екінші соңғы нүктелердің арасында жүрек жеткіліксіздігінің даму жиілігі (біріктірілген жүрек қантамыр қорытынды нүктесінің құрамдасы) хлорталидон (10,2% vs. 7,7%; ҚҚ 1,38; 95% СИ [1,25 - 1,52]; р < 0,001) тобымен салыстырғанда амлодипиннің тобында елеулі жоғары болған. Дегенмен, амлодипинмен ем мен хлорталидонмен ем арасында (ҚҚ 0,96; 95% СИ [0,89 - 1,02]; р = 0,20) барлық себептер бойынша өлім-жітімде елеулі айырмашылық анықталмаған.

Дозалау режимі Артериялық гипертензия және стенокардия кезінде препараттың әдеттегі дозасы тәулігіне бір рет 5 мг құрайды. Пациенттің емге жеке реакциясына қарай препарат дозасын 10 мг құрайтын ең жоғары дозаға дейін арттыруға болады. Артериялық гипертензиясы бар пациенттерде амлодипинді тиазидті диуретиктермен, альфа-адреноблокаторлармен, бета-адреноблокаторлармен немесе АӨФ (ангиотензинді –өзгертуші фермент) тежегіштерімен біріктірілімде қабылдауға болады. Стенокардиясы бар пациенттерде амлодипинді монотерапия ретінде де, және тиісті дозада нитраттарға және/немесе бета-адреноблокаторларға резистенттілік кезінде басқа антиангинальді дәрілік заттармен біріктірілімде де қолдануға болады. Тиазидті диуретиктермен, бета-адреноблокаторлармен немесе АӨФ тежегіштерімен бір уақытта қолданған кезде амлодипиннің дозасын түзету қажет болмайды. Енгізу әдісі және жолы Амлодипинді ішке қабылдаған жөн. Сызығы таблетканы екі бірдей дозаға бөлуге арналмаған. Таблетканы қабылдауды жеңілдету үшін бірдей бөлікке бөлуге болады. Қабылдау уақытын көрсете отырып қолдану жиілігі Бір рет күннің кез келген уақытында, бірақ күнделікті бір уақытта. Дәрілік затты тамақтануға қарамастан қабылдайды. Дәрілік препараттың бір немесе бірнеше дозасын өткізіп алған жағдайда қажетті шаралар Препараттың дозасын жіберіп алған кезде келесі жоспарланған дозаны қажетті уақытта қабылдаған жөн. Жіберіп алған дозаның орнын толтыру үшін қосарлы дозаны қабылдамаған жөн.

- амлодипинге, дигидропиридиннің басқа туындыларына немесе кез келген қосымша заттарға аса жоғары сезімталдық - ауыр артериялық гипотензия - шок (оның ішінде кардиогендік шок) - сол жақ қарыншаның шығару жолының обструкциясы (мысалы, ауыр аорталық стеноз) - жедел миокард инфарктісінен кейін гемодинамикалық тұрақты емес жүрек жеткіліксіздігі - балалар мен 18 жасқа дейінгі жасөспірімдер

Өте жиі - ісінулер Жиі - ұйқышылдық, бас айналуы, бас ауыруы (әсіресе емнің басында) - көру қабілетінің бұзылуы (диплопияны қоса) - жүректің жиі соғуы - қан кернеулер - ентігу - іштің ауыруы, жүрек айнуы, диспепсия, ішектің қызмет етуінің әдеттегі режимін өзгерту (диарея мен іш қатуды қоса) - тобықтың ісінуі, бұлшықеттің құрысуы - қатты шаршау, жалпы әлсіздік Жиі емес - депрессия, көңіл-күйдің өзгеруі (үрейленуді қоса), ұйқысыздық - тремор, дәм татудың бұзылуы, естен тану, гипестезия, парестезия - құлақтың шуылдауы - аритмия (брадикардияны, қарыншалық тахикардия мен жүрекшенің фибрилляциясын қоса) - артериалық гипотензия - жөтел, ринит - құсу, ауыздың құрғауы - алопеция, геморрагиялық бөртпе, тері түсінің өзгеруі, қатты терлеу, қышыну, бөртпе, экзантема, есекжем - артралгия, миалгия, арқаның ауыруы - несеп шығарудың бұзылуы, никтурия, несеп шығару жиілігінің жоғарылауы - импотенция, гинекомастия - кеуде қуысының ауыруы, басқа жердің ауыруы, жалпы дімкәстік - салмақтың артуы, салмақтың төмендеуі Сирек - сананың шатасуы Өте сирек - лейкопения, тромбоцитопения - аллергиялық реакциялар - гипергликемия - бұлшықет тонусының жоғарылауы, шеткері нейропатия - миокард инфарктісі - васкулит - панкреатит, гастрит, қызылиектің гиперплазиясы - гепатит, сарғаю, бауыр ферменттері деңгейінің жоғарылауы (негізінен холестазға тән құбылыстар байқалған) - ангионевроздық ісіну, мультиформалық эритема, эксфолиативті дерматит, Стивенс-Джонсон синдромы, Квинке ісінуі, фотосенсибилизация Белгісіз - уытты эпидермалық некролиз - экстрапирамидалық бұзылулар Экстрапирамидалық симптомдардың пайда болуы туралы өте сирек хабарланған. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозалану шектен тыс шеткері вазодилатацияға және ықтимал рефлекторлық тахикардияға әкелуі мүмкін. Өліммен аяқталатын шокқа әкелген ұзақ жүйелік гипотензияның жағдайлары тіркелген. Артық сұйықтық өкпеде жиналуы мүмкін (өкпе ісінуі), бұл тыныс алудың қиындауына әкелуі мүмкін, ол препаратты қабылдағаннан кейін 24-48 сағат ішінде дамуы мүмкін. Емі: амлодипиннің артық дозалануына байланысты клиникалық маңызы бар гипотензия жүрек және тыныс алу функциясын жиі бақылауды, аяқ-қолды жоғары қоюды және айналатын сұйықтықтың көлемі мен диурезді бақылауды қоса, жүрек-қантамыр жүйесін белсенді демеуді қажет етеді. Тамырды тарылтатын дәрілер оларды қолдануға ешқандай қарсы көрсетілім болмаған кезде тамырдың тонусы мен артериялық қысымды қалпына келтіру үшін қолданылуы мүмкін. Кальций глюконатын венаішілік енгізу кальций өзекшелері блокадасының салдарын жою үшін қолданылуы мүмкін. Кейбір жағдайларда асқазан жуылуы мүмкін. Амлодипин қан плазмасының ақуыздарымен елеулі деңгейде байланысатын болғандықтан, гемодиализді жүргізу тиімсіз.

Амлодипинді гипертониялық криз кезінде қолдану қауіпсіздігі мен тиімділігі анықталмаған. Жүрек жеткіліксіздігі бар пациенттерде препаратты сақтықпен қолдану қажет. Ауыр деңгейдегі жүрек жеткіліксіздігі бар пациенттерде (NYHA жіктеуі бойынша III-IV функционалдық класс) ұзақ уақыттық плацебо- бақыланатын зерттеулерде плацебо қабылдаған топпен салыстырғанда амлодипинмен ем қабылдаған топта өкпе ісінуінің даму жағдайларының жиілігі жоғары болды. Болашақта жүрек-қантамыр асқынуларының даму қаупін және өлімге ұшырау қаупін жоғарылатуы мүмкін болғандықтан, іркілісті жүрек жеткіліксіздігі бар пациенттер амлодипинді қоса, кальций өзекшелерінің блокаторларын сақтықпен пайдалануы тиіс. Арнайы ескертулер Амлодипиннің құрамында лактоза моногидраты бар. Галактозаның туа біткен жақпаушылығы, Lapp(Лапп)-лактаза тапшылығы немесе глюкоза-галактоза мальабсорбциясы бар пациенттерге бұл препаратты қолдануға болмайды. Пациенттердің ерекше топтары Бүйрек функциясы бұзылған пациенттер Пациенттердің бұл санатында амлодипиннің әдеттегі дозасын қабылдаған жөн. Бүйрек функциясының бұзылу деңгейі мен қандағы амлодипин концентрациясының өзгерістері арасында байланыс жоқ. Амлодипин гемодиализ арқылы шығарылмайды. Бауыр функциясы бұзылған пациенттер Бауыр функциясы бұзылған пациенттерде амлодипиннің жартылай шығарылу кезеңі мен AUC мәні жоғары. Пациенттердің бұл санатында дозалау бойынша нұсқаулар әзірленбеген. Осыған байланысты, пациенттердің бұл санатында препаратты қолдануды бастаған кезде де, оның дозасын арттырған кезде де сақ бола отырып, амлодипинді қолдануды ең төмен дозадан бастаған жөн. Ауыр дәрежелі бауыр жеткіліксіздігі бар пациенттерде дозаны баяу таңдау және олардың жағдайын мұқият бақылау қажет болуы мүмкін. Егде жастағы пациенттер Егде жастағы пациенттерде препарат дозасын сақтықпен арттырған жөн. Педиатрияда қолданылуы Амлодипин балалар мен 18 жасқа дейінгі жасөспірімдерде қарсы көрсетілген. Жүктілік Амлодипинді жүктілік кезінде қолдану қауіпсіздігі қазіргі уақытта анықталмаған. Амлодипинді жүктілік кезінде қолдану одан қауіпсіз балама болмаған жағдайда, аурудың өзіне байланысты болатын қауіп ана мен шарана үшін ықтимал қауіптен артқан жағдайда ғана ұсынылады. Лактация кезеңі Амлодипин емшек сүтіне бөлініп шығады. Амлодипиннің нәрестелерге әсер етуі белгісіз. Бала емізуді жалғастыру/ тоқтату немесе амлодипинмен емді жалғастыру / тоқтату туралы шешімді қабылдаған кезде бала үшін емізудің пайдасы мен ана үшін амлодипинді қолданудың пайдасын ескеру қажет. Репродуктивті функция Кальций өзекшелерінің блокаторларын қолданған кезде кейбір пациенттерде сперматозоидтың бас жағы аумағында қайтымды биохимиялық өзгерістер байқалған. Амлодипиннің фертильділікке әлеуетті әсер етуіне қатысты клиникалық деректер жеткіліксіз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Амлодипинді қабылдау кезінде бас айналу, бас ауыруы, шаршау немесе жүрек айнуы дамуы мүмкін, сондықтан емдеу барысында, әсіресе емдеудің басында көлік құралдарын басқару және жоғары зейінділікті және психомоторлық реакциялардың жылдамдығын қажет ететін қауіптілігі зор қызмет түрлерімен айналысқан кезде сақ болған жөн.

Нұсқаулықта көрсетілмеген.

СҮР3А4 тежегіштері Амлодипинді күшті немесе қалыпты СҮР3А4 тежегіштерімен (протеаза тежегіштерімен, азол тобының зеңге қарсы препараттарымен, макролидтермен (эритромицин немесе кларитромицин секілді), верапамил немесе дилтиаземмен) бір уақытта қолдану гипотензияның даму қаупін арттырып, амлодипиннің әсер етуінің елеулі ұлғаюына әкелуі мүмкін. Фармакокинетиканың мұндай өзгерістерінің клиникалық мәні егде жастағы пациенттерде айқын болуы мүмкін. Осыған байланысты, пациенттердің жағдайын клиникалық бақылап, препарат дозасын түзету талап етілуі мүмкін. СҮР3А4 индукторлары CYP3A4 белгілі индукторларымен бір уақытта қолданған кезде амлодипиннің плазмалық концентрациялары ауытқуы мүмкін. Осыған байланысты артериялық қысымды бақылау және біріктірілген ем барысында, және одан кейін, әсіресе СҮР3А4 күшті индукторларымен (мысалы, рифапмицинмен, (Hypericum perforatum) шілтер жапырақты шайқурай препараттарымен) біріктірілімінде дозаны түзету қажеттілігін қарастыру қажет. Кейбір пациенттерде гипотензиялық әсерді күшейтуі мүмкін амлодипин биожетімділігінің ықтимал артуы мүмкін болғандықтан амлодипинді бір уақытта қабылдау және грейпфрутты немесе грейпфрут шырынын тұтыну ұсынылмайды. Дантролен (венаішілік енгізу) Верапамил мен дантроленді вена ішіне енгізгеннен кейін жануарларға жүргізілген тәжірибелерде гиперкалиемияға байланысты өлімге әкеп соқтыратын қарыншалар фибрилляциясы және жүрек-қантамыр коллапсының дамуы байқалған. Гиперкалиемияның даму қаупін ескере отырып, қатерлі гипертермияға бейім немесе қатерлі гипертермияға қатысты емделіп жүрген пациенттерде кальций өзекшелерінің блокаторларымен (амлодипин секілді) бір уақытта қолдануды болдырмау қажет. Амлодипиннің басқа дәрілік заттарға ықпал етуі Амлодипиннің гипотензивті әсері басқа дәрілік заттардың гипотензивті әсерін күшейтеді. Такролимус Амлодипинмен бір уақытта қолдану кезінде қанда такролимус деңгейінің арту қаупі бар, алайда мұндай дәрілік өзара әрекеттесудің фармакокинетикалық механизмі жеткілікті түрде зерттелмеген. Осылайша, такролимуспен емдеуде жүрген пациенттерге амлодипинді тағайындау кезінде соңғысының уыттылығын төмендету үшін қандағы такролимустың концентрациясын бақылау, қажет болған жағдайда такролимустың дозасын өзгерту қажет. Рапамициннің механистикалық нысана тежегіштері (mTOR) Сиролимус, темсиролимус және эверолимус секілді mTOR тежегіштері СҮР3А изоферментінің субстраттары болып табылады. Амлодипин СҮР3А изоферментінің әлсіз тежегіші болып табылады. mTOR тежегіштерімен бір уақытта қолданған кезде амлодипин олардың әрекеттесуін күшейтуі мүмкін. Циклоспорин Циклоспорин мен амлодипиннің дәрілік өзара әрекеттесуін зерттеу трансплантацияланған бүйрегі бар пациенттердің популяциясына ғана жүргізілді. Бұл популяцияда циклоспориннің ең төмен концентрациясы орташа 0-40% артқан. Амлодипинді қабылдайтын трансплантацияланған бүйрегі бар пациенттерде циклоспориннің деңгейін бақылау және қажет болғанда циклоспориннің дозасын төмендету ұсынылады. Симвастатин 10 мг дозада амлодипинді және 80 мг дозада симвастатинді бір уақытта көп рет қолдану симвастатин монотерапиясымен салыстырғанда симвастатин экспозициясының 77% артуына әкелді. Амлодипинді қабылдайтын пациенттерде тәулігіне 20 мг дейін симвастатиннің дозасын төмендеткен жөн. Дәрілік өзара әрекеттесудің клиникалық зерттеулерінде амлодипин аторвастатиннің, дигоксиннің және варфариннің фармакокинетикасына әсер етпеген.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан және жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек.