Актилизе® порошок 50 мг

Бір құтының ішінде белсенді зат – алтеплаза (адамның тіндік плазминоген активаторы) 50 мг, қосымша заттар: лиофилизацияланған ұнтақ үшін: L-аргинин, фосфор қышқылы, 85%1, полисорбат 80, азот2 еріткіш: инъекцияға арналған су 1 - рН түзету үшін 2 - препараттың үстіндегі бос орын тығындау жүйесі түпкілікті жабылғанға дейін азотпен толтырылады Сыртқы түрінің, иісінің, дәмінің сипаттамасы Лиофилизацияланған ұнтақ Иіссіз дерлік ақ немесе бозғылт-сары масса. Еріткіш Мөлдір түссіз сұйықтық Қалпына келтірілген ерітінді Мөлдір түссіз дерлік немесе бозғылт-сары ерітінді

Жедел миокард инфарктісінің тромболизистік емі: - 90 минуттық (жеделдетілген) дозалау режимі («Қолдану жөніндегі нұсқаулар» бөлімін қараңыз): симптомдар пайда болғаннан кейін емдеуді 6 сағат ішінде бастауға болатын пациенттер үшін - 3 сағаттық дозалау режимі («Қолдану жөніндегі нұсқаулар» бөлімін қараңыз): диагноз нақты расталған жағдайда симптомдар пайда болғаннан кейін емдеуді 6-12 сағаттан соң бастауға болатын пациенттер үшін. Актилизе® препаратын қолдану жедел миокард инфарктісі бар пациенттерде 30 күн ішінде өлім жағдайының қысқаруына әкелетіні дәлелденді. Тұрақсыз гемодинамикамен қатар жүретін өкпе артериясының жедел ауқымды эмболиясы кезіндегі тромболизистік ем. Бұл диагноз мүмкіндігінше объективті түрде, мысалы, өкпе артериясының ангиографиясымен немесе инвазивті емес әдістермен, мысалы, өкпе томографиясымен расталуы тиіс. Өкпе эмболиясын емдеу кезінде өлім жағдайына және кейіннен болатын асқынулардың дамуына оң ықпалының дәлелдері жоқ. Жедел ишемиялық инсульттің фибринолитикалық емі Ем инсульт симптомдарының дамуынан кейін алғашқы 4,5 сағат ішінде және егер тиісті визуализация әдістерінің, мысалы, мидың компьютерлік томографиясының (КТ) және қан құйылу болуына сезімтал басқа да диагностикалық визуализация әдістерінің көмегімен бассүйек ішіне қан құйылуы (геморрагиялық инсульт) жоққа шығарылғанда басталуы тиіс. Жүргізілген емнің әсері уақытқа тәуелді: емдеудің анағұрлым ерте басталуы қолайлы нәтиженің ықтималдығын арттырады.

Нұсқаулықта көрсетілмеген.

Дозалау режимі Актилизе® препаратын дәрігер немесе медицина қызметкері дайындайды және енгізеді. Бұл өзіне-өзі қолдануға арналмаған. Актилизе® қолдануды симптомдар басталғаннан кейін мүмкіндігінше тез бастау керек. Дозалау бойынша келесі ережелер қолданылады: Жедел миокард инфарктісі a)Симптомдар пайда болғаннан кейін 6 сағат ішінде емдеуді бастауға болатын жедел миокард инфарктісі бар пациенттер үшін 90 минуттық (жеделдетілген) дозалау режимі. Дене салмағы ≥ 65 кг пациенттерде: Алтеплаза концентрациясына сәйкес тағайындалған көлем 1 мг/мл — 2 мг/мл 15 мг вена ішіне (в/і) сорғалатып, артынша дереу енгізумен — 15 мл — 7,5 мл Алғашқы 30 минут ішінде тұрақты жылдамдықпен в/і инфузия түрінде 50 мг, артынша дереу енгізумен — 50 мл — 25 мл Ең жоғары 100 мг жиынтық дозаға жеткенге дейін 60 минут ішінде тұрақты жылдамдықпен в/і инфузиясы түрінде 35 мг — 35 мл — 17,5 мл Дене салмағы <65 кг пациенттерде жиынтық дозаны кестеге сәйкес дене салмағын ескере отырып түзетеді: Алтеплаза концентрациясына сәйкес тағайындалған көлем 1 мг/мл — 2 мг/мл 15 мг вена ішіне (в/і) сорғалатып, артынша дереу енгізумен — 15 мл — 7,5 мл Алғашқы 30 минут ішінде вена ішіне (в/і) тұрақты жылдамдықпен в/і инфузия түріндегі дене салмағына 0,75 мг/кг, артынша дереу енгізумен — дене салмағының 0,75 мл /кг — дене салмағының 0,375 мл/кг 60 минут бойы тұрақты жылдамдықпен в/і инфузия түрінде дене салмағына 0,5 мг/кг — дене салмағының 0,5 мл/кг — дене салмағының 0,25 мл/кг б)Жедел миокард инфарктісі бар пациенттер үшін 3 сағаттық дозалау режимі, оларда симптомдар дамығаннан кейін емдеу 6 және 12 сағат аралығында басталуы мүмкін. Дене салмағы ≥ 65 кг пациенттерде: Алтеплаза концентрациясына сәйкес тағайындалған көлем 1 мг/мл — 2 мг/мл 10 мг вена ішіне сорғалатып, артынша дереу енгізумен — 10 мл — 5 мл Алғашқы бір сағат ішінде тұрақты жылдамдықпен в/і инфузия түрінде 50 мг, артынша дереу енгізумен — 50 мл — 25 мл Ең жоғары 100 мг жиынтық дозаға жеткенге дейін 2 сағат ішінде тұрақты жылдамдықпен в/і инфузиясы түрінде 40 мг — 40 мл — 20 мл Дене салмағы < 65 кг пациенттерде: Алтеплаза концентрациясына сәйкес тағайындалған көлем 1 мг/мл — 2 мг/мл 10 мг вена ішіне сорғалатып, артынша дереу енгізумен — 10 мл — 5 мл дене салмағының 1,5 мг/кг ең жоғары жиынтық дозасына жеткенге дейін 3 сағат бойы тұрақты жылдамдықпен в/і инфузиясы түрінде — дене салмағының 1,5 мл/кг — дене салмағының 0,75 мл /кг Қосымша ем: ST сегментін көтере отырып, миокард инфарктісі бар пациенттерді жүргізу жөніндегі қолданыстағы халықаралық нұсқауларға (стандарттарға) сәйкес қосымша тромбозға қарсы емді тағайындау ұсынылады. Қолдану тәсілі Дайындалған ерітіндіні вена ішіне және дереу қолдану керек. Құтылардағы 2 мг алтеплаздарды осы көрсетілім бойынша қолдануға болмайды. Ерітілгенге / енгізгенге дейінгі нұсқаулықтар «Пайдалану /жұмыс істеу жөніндегі нұсқаулықтар» бөлімін қараңыз. Өкпе артериясының жедел ауқымды эмболиясы Дозасы Дене салмағы ≥ 65 кг пациенттерде: 100 мг алтеплаза құрайтын жиынтық доза 2 сағат ішінде енгізілуі тиіс. Келесі дозалау режимін пайдалану кезінде аса үлкен тәжірибе алынды: Алтеплаза концентрациясына сәйкес тағайындалған көлем 1 мг/мл — 2 мг/мл 10 мг в/і сорғалатып 1 - 2 минут ішінде, артынша дереу енгізумен — 10 мл — 5 мл Ең жоғары 100 мг жиынтық дозаға жеткенге дейін 2 сағ ішінде тұрақты жылдамдықпен в/і инфузиясы түрінде 90 мг — 90 мл — 45 мл Дене салмағы < 65 кг пациенттерде: Алтеплаза концентрациясына сәйкес тағайындалған көлем 1 мг/мл — 2 мг/мл 10 мг вена ішіне сорғалатып 1 - 2 минут ішінде, артынша дереу енгізумен — 10 мл — 5 мл дене салмағының 1,5 мг/кг ең жоғары жиынтық дозасына жеткенге дейін 2 сағат бойы тұрақты жылдамдықпен в/і инфузиясы түрінде — дене салмағының 1,5 мл/кг — дене салмағының 50 мг/кг Қосымша ем: Актилизе® қолданғаннан кейін, белсендірілген ішінара тромбопластин уақытының (бІТУ) мәні қалыптың жоғарғы шегінен екі есе аз болған жағдайда гепаринді инфузиялық қолдану басталуы (немесе жалғасуы) тиіс. Инфузия бІТУ қайта анықтау нәтижелеріне байланысты түзетілуі тиіс мәндер 50-70 секунд аралықта болуы тиіс және бастапқы деңгейден (бастапқы мәннен 1,5 – 2,5 есе) асып кетуі тиіс. Қолдану тәсілі Дайындалған ерітіндіні вена ішіне және дереу қолдану керек. Құтылардағы 2 мг алтеплазаларды осы көрсетілім бойынша қолдануға болмайды. Ерітілгенге / енгізгенге дейінгі нұсқаулықтар «Пайдалану /жұмыс істеу жөніндегі нұсқаулықтар» бөлімін қараңыз. Жедел ишемиялық инсульт Ем нейроваскулярлық ауруларды емдеуде арнайы оқытылған және тәжірибесі бар дәрігердің бақылауымен ғана жүргізілуі тиіс («Қолдануға болмайтын жағдайлар» және «Қолдану кезіндегі қажетті сақтық шаралары» бөлімдерін қара). Актилизе® емді мүмкіндігінше тез – симптомдар пайда болғаннан кейін 4,5 сағат ішінде бастау керек («Қолдану кезіндегі қажетті сақтық шаралары» бөлімдерін қара). Инсульт симптомдары пайда болғаннан кейін 4,5 сағат өткен соң Актилизе® қабылдаумен байланысты қауіп пен пайданың теріс арақатынасы болады, сондықтан оны енгізуге болмайды. Дозалануы Алтеплазаның ұсынылатын жиынтық дозасы дене салмағының 0,9 мг/кг (барынша 90 мг) құрайды, жиынтық доза шамасының 10%-ын құрайтын препарат дозасын сорғалатып енгізуден бастап енгізіледі, содан кейін 60 минут ішінде вена ішіне енгізілетін жиынтық дозаның қалған бөлігі дереу енгізіледі. Жедел ишемиялық инсульт үшін дозалау кестесі 1 мг/мл ұсынылатын стандартты концентрацияны пайдалану кезінде енгізілетін көлем (мл) ұсынылатын дозаға (мг) тең Салмағы (кг) — Жиынтық доза (мг) — В/і сорғалама доза (мг) — Венаішілік доза* (мг) 40 — 36,0 — 3,6 — 32,4 42 — 37,8 — 3,8 — 34,0 44 — 39,6 — 4,0 — 35,6 46 — 41,4 — 4,1 — 37,3 48 — 43,2 — 4,3 — 38,9 50 — 45,0 — 4,5 — 40,5 52 — 46,8 — 4,7 — 42,1 54 — 48,6 — 4,9 — 43,7 56 — 50,4 — 5,0 — 45,4 58 — 52,2 — 5,2 — 47,0 60 — 54,0 — 5,4 — 48,6 62 — 55,8 — 5,6 — 50,2 64 — 57,6 — 5,8 — 51,8 66 — 59,4 — 5,9 — 53,5 68 — 61,2 — 6,1 — 55,1 70 — 63,0 — 6,3 — 56,7 72 — 64,8 — 6,5 — 58,3 74 — 66,6 — 6,7 — 59,9 76 — 68,4 — 6,8 — 61,6 78 — 70,2 — 7,0 — 63,2 80 — 72,0 — 7,2 — 64,8 82 — 73,8 — 7,4 — 66,4 84 — 75,6 — 7,6 — 68,0 86 — 77,4 — 7,7 — 69,7 88 — 79,2 — 7,9 — 71,3 90 — 81,0 — 8,1 — 72,9 92 — 82,8 — 8,3 — 74,5 94 — 84,6 — 8,5 — 76,1 96 — 86,4 — 8,6 — 77,8 98 — 88,2 — 8,8 — 79,4 100+ — 90,0 — 9,0 — 81,0 * 1 мг/мл концентрацияда 60 минут ішінде тұрақты жылдамдықпен инфузия түрінде енгізіледі. Қосымша ем: Симптомдар басталғаннан кейінгі алғашқы 24 сағат ішінде ацетилсалицил қышқылы сияқты гепаринмен және/немесе тромбоциттердің агрегация тежегіштерімен бірге қолданылатын жоғарыда көрсетілген емдеу режимінің қауіпсіздігі мен тиімділігі жеткілікті зерттелген жоқ. Осыған байланысты қан кету қаупінің жоғарылауына байланысты Актилизе® емдеу басталғаннан кейінгі алғашқы 24 сағат ішінде гепаринді немесе ацетилсалицил қышқылы сияқты тромбоциттер агрегациясының тежегіштерін вена ішіне енгізуден аулақ болу керек. Егер гепаринді басқа көрсетілімдер бойынша қолдану қажет болса (мысалы, терең вена тромбозының профилактикасы үшін), оның дозасы күніне 10 000 ХБ аспауы тиіс, бұл ретте препарат тері астына енгізіледі. Пайдалану/жұмыс істеу бойынша нұсқаулар 1мг/мл құрайтын алтеплазаның соңғы концентрациясын алу үшін құрамында құрғақ зат бар Актилизе® құтысына қоса берілетін еріткіштің барлық көлемі қосылуы тиіс. Осы мақсатта 50 мг қаптамалардың құрамына беруге арналған канюля кіреді. 2 мг/мл құрайтын алтеплазаның соңғы концентрациясын алу үшін құрамында құрғақ зат бар Актилизе® құтысына қоса берілетін еріткіш көлемінің жартысы (төменде келтірілген кестеге сәйкес) қосылуы тиіс. Мұндай жағдайларда еріткіштің қажетті мөлшерін құрамында Актилизе® ұнтағы бар құтыға беру үшін әрқашан еккішті пайдалану керек. Актилизе® құты ішіндегі құрғақ зат (50 мг) алтеплазаның соңғы концентрациясы 1 мг/мл немесе 2 мг/мл болатындай инъекцияға арналған сумен стерильді жағдайларда ерітіледі. Құрғақ зат Актилизе® — 50 мг а) Құрғақ затқа қосылатын инъекцияға арналған су көлемі — 50 мл Соңғы концентрация: — 1 мг алтеплаза/мл б) Құрғақ затқа қосылатын инъекцияға арналған су көлемі — 25 мл Соңғы концентрация: — 2 мг алтеплаза/мл Дайындалған ерітінді вена ішіне қолданылуы тиіс. Дайындалған концентрациясы 1 мг/мл ерітіндіні кейіннен алтеплазаның ең төмен 0,2 мг/мл концентрациясына дейін натрий хлоридінің стерильді 9 мг/мл (0,9%) ерітіндісімен сұйылтуға болады, өйткені дайындалған ерітіндіде бұлыңғырлану туындауын жоққа шығаруға болмайды. 1 мг/мл концентрациялы дайындалған ерітіндіні инъекцияға арналған стерильді сумен немесе көмірсуларға негізделген инфузияға арналған ерітінділермен, мысалы, декстрозамен, сұйылтылған ерітіндіде бұлдырлық түзілуінің ұлғаюына байланысты одан әрі сұйылту ұсынылмайды. Актилизе® препаратын инфузияға арналған құтыда да, вена ішіне енгізуге арналған жалпы жүйеде де басқа дәрілік заттармен (тіпті гепаринмен де) араластыруға болмайды («Үйлесімсіздік» бөлімін қара). Актилизе® препаратын еріту жөніндегі нұсқаулық 1 — Препаратты тура енгізер алдында сұйылту керек. 2 — Ішінде инъекцияға арналған су және құрғақ зат Актилизе® бар екі құтының жоғарғы жақтарын бас бармақпен басып, қорғаныш қалпақшаларын алып тастаңыз. 3 — Әрбір құтының резеңке тығынын спиртті сүрткішпен өңдеңіз. 4 — Пакеттен тасымалдауға арналған канюляны* шығарып алыңыз. Тасымалдауға арналған канюляны дезинфекциялаудың немесе стерилизациялаудың қажеті жоқ – ол стерильді. Бір қалпақшаны шешіңіз. 5 — Инъекцияға арналған суы бар құтыны тегіс беткейге қойыңыз. Тасымалдауға арналған канюляны тікелей резеңке тығынның үстіне қойып, тығынның ортасын канюляның көмегімен, оны тігінен және айналдырмай ұстап тұрып, абайлап, бірақ күшпен тесіңіз. 6 — Инъекцияға арналған суы бар құтыны және тасымалдауға арналған канюляны екі бүйір құлақшасынан бір қолмен мықтап ұстаңыз. Тасымалдауға арналған канюляның үстінен қалған қалпақшаны шешіңіз. 7 — Инъекцияға арналған суы бар құтыны және тасымалдауға арналған канюляны екі бүйір құлақшасынан бір қолмен мықтап ұстаңыз. Құрғақ зат Актилизе® бар құтыны тасымалдауға арналған канюляның үстінде тік ұстаңыз және канюляның ұшын тығынның дәл ортасына орнатыңыз. Құрғақ заты бар құтыны тура тасымалдауға арналған канюляның үстінен кигізіп, құтыны тігінен және айналдырмай ұстап тұрып, резеңке тығынды абайлап, бірақ күшпен тесіңіз. 8 — Құтыларды төңкеріңіз және судың құрғақ заты бар құтыға толық ағып кіруіне мүмкіндік беріңіз. 9 — Судан босаған құтыны тасымалдауға арналған канюлямен бірге алып тастаңыз. Оларды утилизациялауға болады. 10 — Дайындалған Актилизе® препараты бар құтыны алып, ұнтақтың қалғанын еріту үшін оны абайлап айналдырыңыз. Алайда құтыны сілкілеуге болмайды, өйткені ол көбіктеніп кетеді. Көпіршіктер бар болса, олардың жойылуы үшін, ерітіндіні бірнеше минут бойы қозғамай қоя тұрыңыз. 11 — Қалпына келтірілген ерітіндінің құрамында 1 мг/мл алтеплаза бар. Ол мөлдір, реңі түссізден ақшыл-сарыға дейін болуы тиіс және құрамында қандай да бір бөлшектер болмауы тиіс. 12 — Инесі бар шприцпен ерітіндінің тек қажетті мөлшерін алыңыз. Ағып кетпеу үшін, бұған тасымалдауға арналған канюляның тескен орнын пайдаланбаңыз. 13 — Ерітіндіні дереу пайдалану керек. Пайдаланылмаған ерітіндіні утилизациялау керек. (*егер тасымалдауға арналған канюля жиынтыққа кірсе. Еріту үшін инесі бар шприцті де пайдалануға болады). Қалпына келтірілген ерітінді тек бір рет қолдануға арналған. Пайдаланылмаған ерітіндіні немесе қалдықтарын жергілікті талаптарға сәйкес утилизациялау керек. Үйлесімсіздік Дайындалған ерітіндіні артынша 9 мг/мл (0,9%) натрий хлоридінің стерильді ерітіндісімен алтеплазаның ең төменгі концентрациясына 0,2 мг/мл дейін сұйылтуға болады. Дайындалған ерітіндіні инъекцияға арналған стерильді сумен немесе көмірсуларға негізделген инфузияға арналған ерітінділермен, мысалы, декстрозамен, сұйылтылған ерітіндіде бұлыңғырлықтың ұлғаюына байланысты одан әрі сұйылту ұсынылмайды. Актилизе® препаратын инфузияға арналған құтыда да, вена ішіне енгізуге арналған жалпы жүйеде де басқа дәрілік заттармен (тіпті гепаринмен де) араластыруға болмайды. Енгізу жолы және тәсілі Дайындалған ерітіндіні вена ішіне және дереу қолдану керек. Құтылардағы 2 мг алтеплаздарды осы көрсетілім бойынша қолдануға болмайды. Ерітілгенге / енгізгенге дейінгі нұсқаулықтар «Пайдалану /жұмыс істеу жөніндегі нұсқаулықтар» бөлімін қараңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Жүргізілген емге жауапкершілік оқып-үйренуден өткен және қарқынды неврологиялық көмек көрсету біліктері мен тәжірибесі бар емдеуші дәрігерге жүктеледі. Қолданылу көрсетілімдері расталу үшін диагностикалық емшаралар тиісті үлгіде жүргізілуі тиіс («Қолданылуы» бөлімін қараңыз).

Алтеплазаға немесе қосымша заттардың кез келгеніне аса жоғары сезімталдық. Препаратты жедел миокард инфарктісін, өкпе артериясының жедел ауқымды тромбоэмболиясын және жедел ишемиялық инсультті емдеу үшін қолданған жағдайда келесі қарсы көрсетілімдер бар: Актилизе® төмендегідей қан кету қаупі жоғары болған жағдайда қарсы көрсетілген: • қазіргі уақытта немесе алдыңғы 6 ай ішінде қан ұюының елеулі бұзылуы • анамнездегі геморрагиялық диатез • тиімді пероральді антикоагулянттармен бір мезгілде емдеу (мысалы, натрий варфаринімен ХҚҚ > 1.3) (халықаралық қалыптасқан қатынас) («Қолдану кезіндегі қажетті сақтық шаралары» бөлімін қараңыз) • қазіргі уақытта немесе жақында күрделі немесе қауіпті қан кету • қазіргі уақытта немесе анамнезінде бассүйекішілік қан құйылу • субарахноидальды қан кетуге күдік немесе аневризмамен байланысты субарахноидальды қан кетуден кейінгі жағдай • анамнездегі орталық жүйке жүйесінің аурулары (мысалы, жаңа түзілімдер, аневризма, миға немесе жұлынға хирургиялық араласу) • жарақаттық жүрек-өкпе реанимациясы, алдыңғы 10 күн ішіндегі босану; сығылмайтын қан тамырларының жақында жасалған пункциясы (мысалы, бұғана асты немесе жарма венасы) • ауыр бақыланбайтын артериялық гипертензия • бактериялық эндокардит, перикардит • жедел панкреатит • соңғы 3 ай ішінде асқазанның немесе он екі елі ішектің расталған ойық жара ауруы, өңеш веналарының варикозды кеңеюі, артериялардың аневризмасы, артериялардың/веналардың даму ақаулары • қан кетудің даму қаупі жоғары жаңа түзілімдер • бауырдың күрделі аурулары, оның ішінде бауыр жеткіліксіздігі, цирроз, порталдық гипертензия (өңеш венасының варикозды кеңеюін қоса) және белсенді гепатит; • ауқымды хирургиялық араласу немесе соңғы 3 айдағы үлкен жарақат Жедел миокард инфарктісіне қосымша қарсы көрсетілімдер: • геморрагиялық инсульт немесе анамнездегі этиологиясы белгісіз инсульт; • 4,5 сағат ішіндегі ағымдық жедел ишемиялық инсультті қоспағанда, соңғы 6 ай ішінде ишемиялық инсульт немесе транзиторлық ишемиялық шабуылдар (ТИШ); Өкпе артериясының жедел ауқымды тромбоэмболиясына қосымша қарсы көрсетілімдер: • геморрагиялық инсульт немесе анамнездегі этиологиясы белгісіз инсульт • 4,5 сағат ішіндегі ағымдық жедел ишемиялық инсультті қоспағанда, соңғы 6 ай ішінде ишемиялық инсульт немесе транзиторлық ишемиялық шабуылдар (ТИШ). Жедел ишемиялық инсульт кезіндегі қосымша қарсы көрсетілімдер: • ишемиялық инсульт симптомдарының инфузия басталғанға дейін 4,5 сағат бұрын басталуы немесе басталу уақыты белгісіз және 4,5 сағат бұрын болуы ықтимал симптомдар; • аздаған неврологиялық жеткіліксіздік немесе инфузия басталғанға дейін тез жақсаратын симптомдар; • клиникалық деректер негізінде (мысалы, NIHSS > 25) және/немесе тиісті визуализация әдістерінің нәтижелері бойынша ауыр ағымды инсульт; • инсульт кезіндегі құрысулар; • КТ-сканерлеумен расталған бассүйекішілік қан құйылу (БІҚ) белгілері; • КТ сканерлеу деректері қалыпты деңгейде болса да, субарахноидальды қан кету симптомдары; • алдыңғы 48 сағат ішінде гепаринді енгізу және зертханалық қалыпты диапазонның жоғарғы шегінен жоғары тромбопластиндік уақыт; • анамнезінде инсульт және қатарлас қант диабеті бар пациенттер; • алдыңғы 3 ай ішінде бастан өткерген инсульт жөніндегі мәліметтер; • 100 000/мм3-ден аз тромбоциттер саны; • с.б. 185 мм жоғары систолалық артериялық қысым немесе с.б. 110 мм жоғары диастолалық артериялық қысым немесе артериялық қысымды осы шектерге дейін төмендетуге арналған қарқынды ем (венаішілік фармакотерапия) қолдану қажеттілігі; • қандағы глюкозаның <50 мг/дл немесе > 400 мг/дл (< 2,8 мМ немесе > 22,2 мМ) деңгейі. Балалар мен жасөспірімдерде қолдану Актилизе® препараты 16 жасқа толмаған жедел инсультті емдеуге қолданылмайды (16 жастағы жасөспірімдерде қолдану үшін «Қолдану кезіндегі қажетті сақтық шаралары» бөлімін қараңыз).

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Өте жиі - жедел ишемиялық инсульт кезіндегі негізгі жағымсыз реакция бассүйекішілік қан кетулер болды; - барлық қан кетулер, оған қоса осы тізімде көрсетілгендер, мысалы, БСІҚҚ және БСІҚҚ емес; Жиі - жедел миокард инфарктісін және өкпе артериясының жедел ауқымды тромбоэмболиясын емдеудегі миішілік қан кетулер (миға қан құйылу, ми гематомасы, геморрагиялық инсульт, инсульттің геморрагиялық түрленуі, бассүйекішілік гематома, субарахноидальды қан құйылу сияқты); - фарингеальді қан кету; - асқазан-ішектен қан кету (мысалы, асқазаннан қан кету, асқазан жарасынан қан кету, ректальді қан кету, қан аралас құсу, мелена, ауыз қуысынан қан кету, қызыл иектен қан кету); - экхимоз; - урогенитальді қан кетулер (гематурия, несеп-жыныс жолынан қан кету сияқты); - инъекция орнынан қан кету (пункция орнынан қан кету, катетерлеу орнындағы гематома, катетерлеу орнынан қан кету); - кардиогенді шок, жүрек қызметінің тоқтауы және қайталама инфаркт Жиі емес - өкпеден қан кету (қан түкіру, гемоторакс, тыныс алу жолдарына қан құйылу сияқты); - мұрыннан қан кету; - есту ағзаларына қан кету; - реперфузиялық аритмия (мысалы, аритмия, экстрасистолия, атриовентрикулярлық блокада I дәрежеден толық АВ блокадаға дейін, жүрекшелер фибрилляциясы/дірілдеуі, брадикардия, тахикардия, қарыншалық аритмия, қарыншалық фибрилляция, қарыншалық тахикардия, электромеханикалық диссоциация [EMD]); - өкпе артериясының жеткіліксіздігі, тромбоэмболиясы, басқа да жүйелі эмболиялар / церебральді эмболия, қарыншааралық қалқаның ақауы; - артериялық қысымның төмендеуі; Сирек - көз алмасына қан құйылу; - перикардиальді қан құйылу; - ретроперитонеальді қан кету (ретроперитонеальді гематома сияқты); - аса жоғары сезімталдық реакциялары (мысалы, бөртпе, есекжем, бронх түйілуі, ангионевроздық ісіну, гипотензия, шок)*; - тиісті ағзалардың зақымдануына әкелуі мүмкін эмболия; - жүрек айнуы; Өте сирек - күрделі анафилаксия; - жүйке жүйесінің бұзылуымен байланысты жағдайлар (мысалы: эпилепсия ұстамасы, құрысу, афазия, сөйлеудің бұзылуы, делирий, жедел ми синдромы, қозу, сананың шатасуы, депрессия, психоз), көбінесе қатар жүретін ишемиялық немесе геморрагиялық цереброваскулярлық бұзылулармен біріккенде; - қайталанатын ишемия/стенокардия, гипотензия және жүрек жеткіліксіздігі / өкпе ісінуі Белгісіз*** - паренхиматозды ағзалардан қан кетулер (мысалы, бауырдан қан кету); - құсу; - дене температурасының жоғарылауы; - тиісті ағзалардың зақымдануына әкелуі мүмкін майлы эмболия (холестерин кристалдарымен эмболизация); - қан құю (қажет болғанда); * «Қолдану кезінде қажетті сақтық шаралары» және «Басқа дәрілік препараттармен өзара әрекеттесуі» бөлімдерін қара **Жүрек бұзылысы Басқа тромболитиктерді қолданғандағыдай, жоғарыда тиісті бөлімде сипатталған құбылыстар миокард инфарктісінің және/немесе тромболитиктерді енгізудің асқынулары ретінде тіркелді. Бұл жүрек құбылыстары өмірге қауіп төндіруі мүмкін және өлімге әкелуі мүмкін. *** Жиілікті есептеу Бұл жағымсыз реакция тіркеуден кейінгі кезеңде байқалды. 95% ықтималдылықпен жиілік санаты "сиректен" көп емес, бірақ одан да төмен болуы мүмкін. Жиілікті нақты бағалау мүмкін емес, өйткені дәрілік препаратқа жағымсыз реакция 8299 пациентті қамтитын клиникалық зерттеулер базасында кездеспейді. Инсульт (бассүйекішілік қан құйылуды қоса) және басқа да ауыр қан кетулерден өткен пациенттерде өлім жағдайлары мен қабілетсіздік байқалды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: егер ұсынылатын ең жоғары дозадан асып кетсе, бассүйекішілік қан кету қаупі артады. Препараттың фибринге салыстырмалы спецификалығына қарамастан, артық дозалану фибриноген деңгейінің және қан ұюдың басқа факторларының клиникалық мәнді төмендеуіне әкелуі мүмкін. Емі: көпшілік жағдайларда Актилизе® енгізуді тоқтату және осы факторлардың физиологиялық қалпына келуін күту жеткілікті. Алайда, егер күрделі қан кету дамыса, жаңа мұздатып қатырылған плазманың немесе жаңа алынған қанның инфузиялары ұсынылады, қажет болса, фибринолизге қарсы синтетикалық дәрілер тағайындауға болады.

Бақылануы Биологиялық дәрілік препараттарды қолдануды бақылауды жақсарту мақсатында пациенттің медициналық картасында енгізілетін препараттың атауын және партия нөмірін нақты көрсету керек. Алтеплаза өнімінің тиісті формасын оның тағайындалуына сәйкес мұқият таңдау керек. 2 мг дозадағы Актилизе® препараты жедел миокард инфарктісі, өкпе артериясының жедел ауқымды тромбоэмболиясы немесе жедел ишемиялық инсульт (ауқымды жеткіліксіз дозалау қаупіне байланысты) кезінде қолдану үшін көрсетілмеген. Бұл көрсетілімдерде қолдану үшін тек 10 мг, 20 мг немесе 50 мг Актилизе® көрсетілген. Тромболиздік/фибринолитикалық емдеу тиісті бақылауды қажет етеді. Актилизе® емдеуді тромболизистік емдеу әдістерін жүргізу тәжірибесі және оның тиімділігін бақылау мүмкіндігі бар және дайындықтан өткен дәрігер жүргізуі тиіс. Актилизе® пайдалану кезінде, кез келген жағдайларда, иелігінде стандартты реанимациялық жабдық және тиісті дәрілік заттар болуы ұсынылады. Аса жоғары сезімталдық Актилизе® енгізумен байланысты иммун-байланысты аса жоғары сезімталдық реакциялары алтеплазаның, гентамициннің (өндірістік процестен кейін қалған іздік мөлшерлері) белсенді затынан немесе қосымша заттардың кез келгенінен туындауы мүмкін. Жүргізілген емнен кейін адамның плазминогенінің рекомбинантты активаторының молекулаларына антиденелер өндірілгені байқалған жоқ. Актилизе® қайта қолданудың жүйеленген тәжірибесі жоқ. Сондай-ақ иммунологиялық емес механизмнен болатын аса жоғары сезімталдық реакциялары даму қаупі бар. Ангионевроздық ісіну Актилизе® препаратын қолданудағы аса жоғары сезімталдық реакцияларының жиірек тіркелетіні болып табылады. Бұл қауіп жедел ишемиялық инсульт көрсетілімі бойынша қолданғанда және/немесе (ангиотензин өзгертуші фермент) АӨФ тежегіштерімен қатар емдегенде жоғарылауы мүмкін («Басқа дәрілік препараттармен өзара әрекеттесу» бөлімін қараңыз). Бұрын кез келген тіркелген көрсетілім бойынша ем қабылдаған пациенттер инфузия кезінде және одан кейін 24 сағат бойы ангионевроздық ісінуге қатысты бақылауда болуы тиіс. Аса жоғары сезімталдықтың ауыр реакциясы (мысалы, ангионевроздық ісіну) пайда болған кезде инфузияны тоқтатып, дереу тиісті емдеуді бастау керек. Оған интубация кіруі мүмкін. Қан кету Актилизе® препаратымен емдеудің ең жиі асқынуы қан кету болып табылады. Қан ұюына немесе тромбоциттердің қызметіне әсер ететін басқа белсенді заттарды бір мезгілде қолдану қан кетудің пайда болуына ықпал етуі мүмкін. Актилизе® препараты фибринді ерітетіндіктен, соңғы пункция орындарынан қан кету пайда болуы мүмкін. Сондықтан тромболитикалық терапия ықтимал қан кету аймақтарын мұқият бақылауды қажет етеді (катетерді енгізу, артериялық және веналық пункциялар, кесу және инъекция орындарын қоса). Актилизе® препаратымен емдеу кезінде қатты катетерлерді, бұлшықетішілік инъекцияларды және негізсіз манипуляцияларды пайдаланудан аулақ болу керек. Ауыр қан кету пайда болған жағдайда, әсіресе церебральді фибринолитикалық терапия дереу тоқтатылуы тиіс және гепаринді қатар енгізу дереу тоқтатылуы тиіс. Жалпы алғанда, жартылай шығарылудың қысқа кезеңіне және жүйелі ұю факторларына ең аз әсер етуге байланысты орнын басатын коагуляциялық емнің қажеті жоқ. Қан кететін пациенттердің көпшілігінде тромболиздік және антикоагулянттық терапияны тоқтату, айналымдағы қан көлемін толықтыру және қан кетуді тоқтату бойынша іс-шаралар жүргізіледі. Егер қан кету басталғанға дейін 4 сағат ішінде гепарин қолданылса, протаминді қолданудың орындылығы туралы мәселені қарастырған жөн. Сирек жағдайларда, жоғарыда көрсетілген консервативті шаралар тиімсіз болған кезде, қан кету жалғасады, қан препараттарын қолдану көрсетілуі мүмкін. Криопреципитатты, жаңа мұздатылған плазма мен тромбоциттерді трансфузиялық енгізу әрбір енгізуден кейін қайта айқындалатын клиникалық және зертханалық көрсеткіштерге сәйкес тағайындалуы мүмкін. Криопреципитат инфузиясын фибриноген концентрациясы 1г/л жеткенге дейін жүргізген жөн. Антифибринолитикалық дәрілерді қолдану мүмкіндігін қарастыруға болады. Бассүйекішілік қан құйылу қаупі егде пациенттерде артуы мүмкін, сондықтан осы пациенттерде пайда-қауіп арақатынасын мұқият бағалау қажет. Басқа тромболитиктерді пайдаланғандағыдай, болжамды пайда мен ықтимал қауіп дәрежесін мынадай жағдайларда мұқият бағалау керек: • Жақында жасалған бұлшықетішілік инъекция немесе биопсия, ірі тамырлар пункциясы, реанимация кезіндегі жүрекке массаж сияқты жақында болған шағын араласулар. • Қан кету қаупі жоғары болатын қарсы көрсетілімдердің «Қолдануға болмайтын жағдайлар» бөлімінде айтылмаған жағдайлар. Пероральді антикоагулянттық ем қабылдайтын пациенттер Егер дозалау режимі немесе антикоагулянттарды соңғы қабылдаудан кейінгі уақыт қан ұю жүйесіне клиникалық мәнді әсерін тигізбейтін дәрілік заттардың антикоагулянттық белсенділігіне тиісті тестілер көмегімен антикоагулянттармен емдеудің қалдық тиімділігін растауға мүмкіндік бермесе (мысалы, К дәрумені антагонистері үшін ХҚҚ <1,3 немесе басқа пероральді антикоагулянттарға арналған өзге де тиісті тестілер жоғарғы қалып шектерінде болса), Актилизе® қолдануды қарастыруға болады. Жедел миокард инфарктісін және өкпе артериясының жедел ауқымды тромбоэмболиясын емдеу кезінде келесі ерекше ескертулер мен сақтық шараларын қосымша есте ұстаған жөн: Бассүйекішілік қан кету қаупінің жоғарылауына байланысты Актилизе® 100 мг-нан асатын дозада қолдануға болмайды. Сондықтан «Қолдану жөніндегі нұсқаулар» бөлімінде сипатталған Актилизе® дозалау режимін сақтау маңызды. Систолалық артериялық қысымы >160 мм с.б. болатын пациенттерде («Қолдануға болмайтын жағдайлар» бөлімін қараңыз) және миішілік қан кету қаупі артуы мүмкін егде жастағы пациенттерде болжамды пайда және ықтимал қауіп дәрежесін мұқият бағалау керек. Емдік пайдасы егде жастағы пациенттерде де оң болғандықтан, қауіп пен пайданы бағалау сақтықпен жүргізілуі тиіс. IIb/IIIa гликопротеин антагонистері IIB/IIIa гликопротеин антагонисттерін бір мезгілде қабылдау қан кету қаупін арттырады. Жедел миокард инфарктісін емдегенде келесі ерекше қосымша сақтануларды және сақтық шараларын ескеру керек: Аритмия Коронарлық тромболизис реперфузияға байланысты аритмияға әкелуі мүмкін. Реперфузиялық аритмия жүрек тоқтауына әкелуі мүмкін, өмір үшін қауіпті болуы мүмкін және стандартты антиаритмиялық ем әдісін пайдалануды талап етуі мүмкін. Тромбоэмболия Тромболитиктерді қолдану жүректің сол жақ бөлігіндегі тромбы бар пациенттерде тромбоэмболиялық асқынулар, мысалы митральді стеноз немесе жыпылықтағыш артимия қаупін ұлғайтуы мүмкін. Жедел ишемиялық инсультті емдеуде келесі айрықша сақтандырулар және алдын ала сақтану шаралары қосымша ескерілу керек Қолдану кезіндегі ерекше сақтық шаралары Жүргізілген емге жауапкершілік оқып-үйренуден өткен және қарқынды неврологиялық көмек көрсету біліктері мен тәжірибесі бар емдеуші дәрігерге жүктеледі. Қолданылу көрсетілімдері расталу үшін диагностикалық емшаралар тиісті үлгіде жүргізілуі тиіс («Қолданылуы» бөлімін қараңыз). Арнайы ескертулер/пайда-қауіп төмендеген жағдайлар Бассүйекішілік қан құйылулар жедел ишемиялық инсультті емдегенде (жалпы өлімнің қандай да бір артуынсыз және жалпы өлім жағдайының және ауыр мүгедектіктің бәрін бірге алғанда қандай да бір елеулі артуынсыз, пациенттердің 15%-на дейін, яғни Ранкин шкаласы бойынша модификацияланған көрсеткіш [mRS] 5 және 6) негізгі жағымсыз реакциялар болып табылады. Жедел ишемиялық инсульт бар пациенттерде Актилизе® қолдану, осы препаратты басқа көрсетілімдер бойынша пайдаланумен салыстырғанда, жоғары бассүйекішілік қан құйылу қаупінің байқалуымен қатар жүреді, өйткені қан кету көбінесе некроздық аумақта жүреді. Бұл келесі жағдайларда ерекше ескерілу керек: • «Қолдануға болмайтын жағдайлар» бөлімінде аталған барлық жағдайлар және жалпы жоғары қан кету қаупімен сипатталатын барлық жағдайлар • емдеудің инсульт симптомдарының даму уақытынан кеш басталуы клиникалық әсерін төмендетеді. Осылайша, Актилизе® енгізуді кейінге қалдыруға болмайды. • бұрын ацетилсалицил қышқылымен ем жүргізілген пациенттерде, әсіресе, егер Актилизе® қолдану кешірек мерзімдерде басталса, миішілік қан құйылу қаупі жоғары болуы мүмкін. • егде жастағы пациенттерде (80 жастан үлкен) аяқталуы жасырақ пациенттермен салыстырғанда емге байланыссыз жағымсыз болуы мүмкін. Сондай-ақ оларда тромболизис жүргізгендегі немесе тромболизис жүргізілмеген пациенттердегі жеңілдеу инсульттермен салыстырғанда оларда тромболизис жүргізген жағдайда ми ішіне қан құйылудың толық басымырақ қаупіне байланысты ауырлығы басым инсульттер туындау ықтималдығы жоғары. Қолда бар деректер Актилизе® препаратының әсері жас пациенттермен салыстырғанда 80 жастан асқан пациенттерде аз екенін айғақтаса да, Актилизе® нақты пациент үшін пайда-қауіпті бағалау негізінде 80 жастан асқан пациенттерде қолдануға болады. Егде жастағы пациенттер жалпы денсаулық жағдайын, сондай-ақ неврологиялық статусын ескерумен өте мұқият таңдалуы тиіс. • Емнің пайдасы бұрын инсульт өткерген пациенттерде немесе бақыланбайтын қант диабеті болғанда төмендейді («Қолдануға болмайтын жағдайлар» бөлімін де қараңыз), осылайша, мұндай пациенттерде пайда-қауіп арақатынасы, бәрібір оң күйде қалса да, қолайлылығы азырақ болып саналады. • Ауырлық дәрежесі жеңіл инсульт алған пациенттерде қауіптер күтілетін әсерден асып түседі («Қолдануға болмайтын жағдайлар» бөлімін қараңыз). • Өте ауыр инсультті өткерген пациенттерде миішілік қан құйылу және өліммен аяқталу қаупі едәуір жоғары («Қолдануға болмайтын жағдайлар» бөлімін қараңыз) • Ауқымды инфарктілер алған пациенттерде жайсыз аяқталу, соның ішінде миішілік айқын қан құйылу және өліммен аяқталу қаупі жоғары болады. Ондай жағдайларда ем жүргізу қаупі мен пайдасын мұқият таразылау керек. • Инсульт өткерген пациенттерде емдеу нәтижесінің қолайлы болу ықтималдығы симптомдар білінуінен емдеу басталғанға дейінгі уақыттың артуымен, жас ұлғаюымен, сондай-ақ инсульттің ауырлық дәрежесінің артуына қарай және қандағы глюкоза деңгейі жоғарылағанда азаяды, сонымен қатар, қабілеттіліктің күрделі бұзылулары және өліммен аяқталу немесе симптоматикалық елеулі бассүйекішілік қан кетулер емдеуге байланыссыз артады. Емдеу бастысы төмендегілерге негізделген пайда/қаупінің жағымсыз арақатынасына байланысты симптомдар пайда болғаннан кейін 4,5 сағат кешігіп басталмауы тиіс: • емнің оң әсері уақыт өте келе төмендейді • көбіне ацетилсалицил қышқылымен осының алдында емделген пациенттерде өлім жағдайы артады • симптоматикалық қан кетулердің жоғары қаупі Артериялық қысымды бақылау Емдеу кезінде және ол аяқталған соң 24 сағат бойы артериялық қысымға (АҚ) мониторинг жасау қажет, систолалық АҚ с. б. > 180 мм немесе диастолалық АҚ с. б. > 105 мм көтерілгенде вена ішіне гипертензияға қарсы препараттар қолдану ұсынылады. Басқа да айрықша көрсетілімдер Ишемиялық аумақ реперфузиясы инфаркт аймағында ми ісінуіне әкелуі мүмкін. Жоғары геморрагия қаупіне орай, тромбоциттер агрегациясы тежегіштерін қолдануды алтеплаза көмегімен тромболизис жүргізуден кейінгі алғашқы 24 сағат ішінде бастауға болмайды. Арнайы ескертулер Балалар мен жасөспірімдер Актилизе® препараты 16 жасқа дейінгі балаларда жедел инсультті емдеу үшін көрсетілмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қатысты емес

Жүктілік Алтеплазаны әйелдердің жүктілігі кезінде қолдану жөніндегі деректер өте шектеулі. Өмірге тікелей қауіп төндіретін аурулар кезінде пайда мен потенциалды қауіп арасындағы арақатынасты саралау қажет. Бала емізу Алтеплазаның емшек сүтіне енуі белгісіз және альтеплазаның жануарлардың сүтімен шығарылуы туралы ақпарат жеткіліксіз. Актилизе® препаратын емізетін әйел қолданған кезде абай болу керек және Актилизе® қолданғаннан кейінгі алғашқы 24 сағат ішінде бала емізуді тоқтату туралы шешім қабылдау керек.

Жедел миокард инфарктісінде әдетте қолданылатын басқа дәрілік препараттармен Актилизе® өзара әрекеттесуіне арнайы зерттеу жүргізілмеген. Қан ұюына/тромбоциттер функциясына әсер ететін препараттар Кумарин туындыларын, пероральді антикоагулянттарды, тромбоциттер агрегациясы тежегіштерін, фракцияланбаған гепаринді, төмен молекулярлық гепаринді немесе қан ұюына әсер ететін препараттарды (Актилизе® препаратымен ем басталғанға дейін, емдеу кезінде немесе ем басталғаннан кейін алғашқы 24 сағат ішінде) қолданған жағдайда қан кету қаупі артады («Қолдану жөніндегі нұсқаулар», «Қолдануға болмайтын жағдайлар» бөлімдерін қараңыз). АӨФ тежегіштері АӨФ тежегіштерімен қатар емдеу аса жоғары сезімталдық реакциясының қаупін арттыруы мүмкін («Қолдану бойынша ұсыныстар», «Қолдану кезіндегі қажетті сақтық шаралары» бөлімдерін қараңыз). IIB/IIIa гликопротеин антагонисттерін қатар қолдану қан кету қаупін арттырады.

Сақтау мерзімі 3 жыл Дайындалған ерітіндіні тоңазытқышта 24 сағат; ал 25ºС-ден аспайтын температурада – 8 сағатқа дейін сақтауға болады. Жарамдылық мерзімі өткеннен кейін қолдануға болмайды. Микробиологиялық тұрғыдан, өнім қалпына келтірілгеннен кейін бірден қолданылуы керек. Егер дереу қолданылмаса, қолданар алдында сақтау уақыты мен шарттары пайдаланушының жауапкершілігінде болып табылады және әдетте 2ºС-ден 8 °C-ге дейінгі температурада 24 сағаттан аспайды. Сақтау шарттары Жарықтан қорғалған жерде, 25 ○С-ден аспайтын температурада сақтау керек. Балалардың қолы жетпейтін жерде сақтау керек!