Афала таблетки

Бір таблетканың құрамында белсенді зат – аффинді тазартылған простатспецификалық антигенге антиденелер – 0,003 г*. қосымша заттар: лактоза моногидраты, микрокристалды целлюлоза, магний стеараты. *лактоза моногидратына құрамы 10-15 нг/г аспайтын әсер етуші заттың белсенді түрі су-спиртті қоспа түрінде жағылады. Сыртқы түрінің, иісінің, дәмінің сипаттамасы Жалпақ цилиндр пішінді, сызығы мен ойығы бар, ақтан ақ дерлік түске дейінгі таблеткалар. Сызығы бар тегіс бетіне MATERIA MEDICA жазуы, басқа тегіс бетіне AFALA жазуы түсірілген.

Афала ересектерде қолдануға арналған. • қуық асты безінің I және II дәрежелі қатерсіз гиперплазиясы; • бактериялық емес созылмалы простатит – қабынуға қарсы және ауырғанды басатын дәрі ретінде. • қуық асты безінің I және II дәрежелі қатерсіз гиперплазиясымен қатар жүретін дизуриялық бұзылыстар (түндегісін қоса, несеп шығаруға қысылудың жиілеуі, несеп шығарудың қиындауы, шат аймағының ауыруы мен жайсыздығы) және созылмалы бактериялық емес простатит.

Нұсқаулықта көрсетілмеген.

Дозалау режимі Сызығы таблетканы бөліктерге бөлуге арналмаған. Ішке. Бір қабылдауға 2 таблетка (ауызда толық ерігенге дейін ұстау керек - тамақтану кезінде емес). Препаратты күніне 2 рет, таңертең және кешке қабылдау керек. Препаратты қабылдаудың ұсынылатын ұзақтығы - 16 апта. Айқын ауыру синдромында және дизуриялық бұзылуларда емдеудің алғашқы 2-3 аптасында препаратты тәулігіне 4 ретке дейін қабылдау көрсетілген. Қажет болғанда дәрігердің ұсынымы бойынша 1- 4 айдан соң емнің қайталау курсын жүргізуге болады. Дәрілік препараттың бір немесе бірнеше дозасын өткізіп алғанда қолданылуы қажет шаралар Препарат дозасын қабылдауды өткізіп алған жағдайда өткізіп алған дозасын мүмкіндігінше ертерек қабылдау керек және препаратты қабылдау курсын бастаған сызба бойынша жалғастыру керек. Ұмытылған доза орнына екі есе доза қабылдауға болмайды. Дәрілік препараттың қолдану тәсілін түсіндіру үшін медицина қызметкерінен кеңес алу үшін ұсыныстар Препаратты қолдану алдында дәрігермен кеңесу керек.

- әсер етуші заттарға немесе кез келген қосымша заттарға аса жоғары сезімталдық; - 18 жасқа дейінгі балалар мен жасөспірімдер (тиімділігі мен қауіпсіздігі туралы деректер жеткіліксіз); - лактаза тапшылығы, галактоза жақпаушылығы, глюкоза-галактоза мальабсорбциясы.

Препарат компоненттеріне жеке жоғары сезімталдық реакциялары болуы мүмкін. Жағымсыз реакциялардың туындау жиілігін постмаркетингтік бақылау негізінде анықтау мүмкін емес. Егер препарат қабылдау кезінде жағымсыз реакциялар туындаса, қабылдауды тоқтатып және дәрігерге жүгіну керек. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланған кезде препарат құрамындағы қосымша заттарына байланысты диспепсиялық құбылыстар болуы мүмкін.

Егер сізде кейбір қанттарға жақпаушылығы болса, осы препаратты қолданар алдында дәрігермен кеңесіңіз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Афала көлік құралдарын және қауіптілігі зор механизмдерді басқару қабілетіне әсер етпейді.

Препарат әйелдерге қолдануға арналмаған.

Осы уақытқа дейін басқа дәрілік заттармен үйлесімсіздік жағдайлары анықталмаған. Арнаулы сақтандырулар Педиатрияда қолданылуы Афала препараты балаларға қолдануға арналмаған.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек.